IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Blessed Dairies,uruganda rumaze kuba ubukombe mu gutunganya no kugurisha ibikomoka ku mata

Blessed Dairies Ltd ni uruganda rukora amata rumaze imyaka itanu rutangiye gukorera mu Rwanda, rwabaye ubukombe bitewe na serivisi zinoze ruha abakiliya barwo binyuze mu bicuruzwa byujuje ubuziranenge bikomoka ku mata rutanga.

Uruganda Blessed Dairies Ltd rwatangijwe muri 2011 n’umushoramari w’umunyarwanda, Ngirente Milton. Ruherereye mu Murenge wa Cyumba mu Karere ka Gicumbi muri santere ya Gatuna.

Ngirente avuga ko yarushinze ubwo yari amaze kubona ikibazo cy’umusaruro w’amata wiyongera ariko ntubashe gucuruzwa wose, asanga ayo mata akozwemo ibiyakomokaho byayongerera agaciro ndetse bigafasha abanyarwanda n’abandi babikoresha bose kugira ubuzima bwiza.

Akomeza asobanura ko kuva muri 2004 ubwo yari umworozi, yaje kugira igitekerezo cyo kujyana umusaruro we ndetse n’uw’abaturanyi be ku isoko. Ibyo yakomeje kubikora kugeza muri 2011, ubwo aborozi benshi bamuhaga amata ndetse bikanagaragara ko ubufatanye bwabo no kwita ku murimo byatumaga bagira amata meza, bityo agenda yiyongera ari nako abakiliya muri Kigali bagendaga bamugana ngo ajye abagemurira.

Nyuma yo gukora ingendo zitandukanye mu bihugu byateye imbere mu gutunganya amata, no kwagura imitekerereze ye byatumye abona ko bishoboka ko yatangiza uruganda.

Icyari ikibanze, ni ugufatanya na Koperative y’Aborozi ikorera mu Karere ka Gicumbi izwi ku izina rya “IAKIB” mu gukusanya amata yujuje ubuziranenge busabwa kugira ngo akoreshwe ku rwego rw’uruganda cyangwa abe yagurishwa ku bandi bayakoramo ibiyakomokaho.

Asobanura ko ibi bitatwaye igihe, kuko iyo Koperative kimwe n’abanyamuryango bayo bumvaga neza iyo gahunda.

Akomeza asobanura ko mu mwaka wa 2011, yashatse izina ry’uruganda ariryo “Blessed Dairies Ltd” aryandikisha mu Kigo cy’Igihugu cy’Iterambere (RDB) ndetse ashyiraho n’ibyangombwa bikenewe ngo uruganda rubeho, nk’inyubako, imashini ndetse ashaka n’abakozi babizobereyemo bagombaga kurukoramo.

Muri 2012 mu kwezi kwa Gatatu nibwo ibicuruzwa bya Blessed Dairies Ltd byashyizwe ku isoko, icyo gihe byari bigizwe ahanini na Yawurute.

Ngirente avuga ko izina ry’Uruganda “Blessed Dairies Ltd” yarihisemo kubera ko yemera ko nk’Umukristu ibikorwa bye ari umugisha w’Imana kuruta ibindi yashingiraho byose.

Ngirente Milton asobanura ko bitamugoye kumenyekanisha ibyo uruganda rwe rutunganya kubera ko abantu bari basanzwe bamumenyereye mu bucuruzi bw’amata bahise bishimira ko imikorere ye myiza ariyo yagombaga kumuranga no mu bucuruzi bw’ibiyakomokaho.

Kugeza ubu, Blessed Dairies Ltd ikora ibikomoka ku mata bitandukanye birimo Yawurute, Fresh Cream, Butter, Fromage izwi ku izina rya Mozarella, amavuta y’inka, ikivuguto n’amata yagabanyijwemo amavuta.

Mu bufatanye na Kaminuza y’u Rwanda (UR), n’Ikigo cy’Igihugu gishinzwe guteza imbere Ubumenyingiro (WDA), Blessed Dairies Ltd iha abanyeshuri amahirwe yo kwimenyereza umwuga cyane ku biga ibijyanye n’Imirire n’Ikoranabuhanga (Food Science and Technology).

Mu bufatanye kandi n’Ikigo cy’Igihugu cy’Ubuziranenge “Rwanda Standard Board”, Blessed yihutiye gushaka ibirango by’ubuziranenge.

Muri 2012, urwo ruganda rwabonye icyangombwa cyemeza ko ibicuruzwa byarwo byujuje ubuziranenge “Standardization mark (S-mark); muri 2014 ruhabwa icyangombwa kigaragaza ko rufite uburyo bwo kurinda ibicuruzwa imyanda iterwa na mikorobe zitandukanye( Hazard Analysis and Critical Control Point (HACCP).

Ibi bituma ibicuruzwa bya Blessed Dairies Ltd bikundwa n’abakiliya benshi batandukanye barimo abanyamahoteli, amaresitora, n’amaguriro akomeye mu gihugu.

Ngirente akomeza avuga ko ugereranyije n’igihe bari bagitangira ubu abantu bagenda babagirira icyizere, ku buryo usanga bafite ababahagarariye mu Ntara zose z’u Rwanda.

Yongeraho kandi ko Blessed Dairies Ltd yiteguye kwakira abashaka ibicuruzwa byayo bose.

Ku bashaka kurangura bashobora kwegera ibiro by’uruganda biri i Gatuna mu Karere ka Gicumbi cyangwa bakagana icyicaro cyayo kiri mu Mujyi wa Kigali ku Kinamba mu Karere ka Gasabo mu nyubako ya SOAFA House.

Ushobora kandi kubahamagara kuri 0788652783 cyangwa ukabandikira kuri [email protected], [email protected], cyangwa ugasura urubuga rwabo www.blesseddiaries.com

Ngirente Milton watangije uruganda Blessed Dairies Ltd
Blessed Dairies ifite ibicuruzwa byo guha abashaka kurangura
Amata yakuwemo ibibyibushya
Amavuta y'inka akungahaye ku ntungamubiri
Bafite Yawurute z'amoko atandukanye
Mozzarella ikorwamo pizza
Uruganda Blessed Dairies Ltd, rufite ibicuruzwa byinshi bikorwa mu mata
Andi mafoto
  • Uruganda Blessed Dairies Ltd, rufite ibicuruzwa byinshi bikorwa mu mata
  • Blessed Dairies ifite ibicuruzwa byo guha abashaka kurangura
  • Amata yakuwemo ibibyibushya
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved