00:00:00 IGIHE NETWORK KN KINYARWANDA EN ENGLISH FR FRANCAIS

Sanlam yahaye Abanyarwanda amahirwe yo kuganira na José Mourinho

Yanditswe na IGIHE
Kuya 13 Ukwakira 2021 saa 06:00
Yasuwe :
0 0

José Mourinho wabaye umutoza w’amakipe atandukanye akomeye ku Isi, yatoranyijwe nk’umwe mu bazatanga inama n’inyigisho zigamije gufasha abanyafurika kwiremamo icyizere cy’uko bashabora gukora bagatera imbere.

José Mourinho yatoranyijwe na sosiyete y’ubwishingizi ya Sanlam kugira ngo ayifashe mu bukangurambaga bw’icyifuzo cyayo gishya kizwi nka ‘Live with Confidence’ cyangwa se baho ‘wifitiye icyizere’ mu rurimi rw’Ikinyarwanda.

‘Live with Confidence’ ni icyivugo gishya Sanlam yihaye mu rwego rwo gutera imbaraga abayigana bose mu gusobanura uburyo serivisi Sanlam itanga ziha ububasha abakiliya bayo bwo kwigirira icyizere mu bikorwa no mu mibereho yabo ya buri munsi.

Mu rwego rwo gushyira mu bikorwa iki cyivugo gishya hashyizweho itsinda ry’abatoza mu bijyanye no kuremamo abantu icyizere (confidence coaches). Iki gikorwa ni kimwe mu bindi bikorwa bigamije kongerera ubushobozi abakiriya mu bijyanye no kubaho bifitiye icyizere cyo kurinda no kubungabunga ibyo bagezeho, umutungo n’ibindi.

Aba batoza bazafasha Abanyafurika barimo n’Abanyarwanda babereka uburyo bunyuranye bakwiremera icyizere. Batoranyijwe mu bantu banyuranye bamenyekanye kubera ibikorwa binyuranye bagezeho.

Bazifashisha ubunararibonye bwabo mu kwigisha abantu uburyo bwo kubaho bifitiye icyizere. Ibi bakazabikora bifashishije imbuga nkoranyambaga zabo.

Ku isonga muri aba batoza bo kwigirira icyizere batoranyijwe harimo umutoza w’umupira w’amaguru uzwi cyane ku Isi, José Mourinho.

José Mourinho ni umwe mu bantu bafite ubunararibonye bwatuma agira icyo asangiza Abanyarwanda ku bijyanye n’imyitwarire ikwiye kubaranga mu gihe bifuza kugera ku ntego bihaye.

Uyu mugabo yatowe nk’umutoza ukomeye kurusha abandi ku Isi mu kinyejana cya 21.

José Mourinho yubakiye umwuga ku bushobozi bwe budasanzwe bwo kumenya, gukurikirana ndetse no gutoza ukwigirira icyizere (confidence) mu bandi kugira ngo babashe gutera imbere.

Binyuze mu rugendo rwe, José ntabwo yize uburyo bwo kwiremamo icyizere gusa, ahubwo yize no kudacika intege aho rukomeye.

Undi watoranyijwe nk’umutoza mukwigisha abijyanye no kwirema mo icyizere, ni umunyamakuru, Sandrine Isheja.

Sandrine yatangiye umwuga we mu 2008 nk’umunyamakuru wa radiyo Salus. Yakoreye kuri radiyo zinyuranye mu Rwanda, ndetse akaba ari umwe mu bagore bakunzwe cyane mu Rwanda.

Sandrine Isheja azwiho kugira imbaraga zidasanzwe mu kugera ku byo yiyemeje byose. Abinyujije ku mbuga nkoranyambaga, azasangiza Abanyarwanda byinshi ku buzima bwe ndetse n’aho bihurira no kubaho yigirira icyizere.

Undi watoranyijwe ni umuhanzi, Yvan Buravan. Nyuma yo kuba umuririmbyi wa mbere wu Rwanda wegukanye Igihembo ‘’Prix Decouvertes RFI’’, mu 2018 Buravan yazengurutse ibihugu 12 bya Afurika, bituma amenyekana cyane kuri uyu mugabane.

Buravan ni umwe mu bahanzi bo mu Rwanda bazamutse vuba biturutse mu bwitange yagiye agaragaza. Kuri ubu ni umuhanzi ukunzwe kandi ukurikirwa cyane mu gihugu.

We na Sandrine Isheja ababakurikira bazashobora kwitabira ibiganiro byabo ku mbuga nkoranyambaga, aho bazatangira ubuhamya bw’aho gutsinda no kwamamara kwabo bituruka ndetse banatange inama z’uburyo abandi bakwiremamo icyizere.

Umuyobozi muri Sanlam, Sydney Mbhele yavuze ko bahisemo gutangiza ‘Live with Confidence’ kuko babonye ko iyo umuntu yifitiye icyizere agera kuri byinshi.

Ati “Muri Sanlam, twemera ko kwiyizera bihindura ubuzima ari nako wongera amahirwe yawe yo gutsinda. Bigufungurira imiryango, bikagutera imbaraga zo kugera ku ku ntego zawe zose, kandi bikagufasha kubaho ubuzima bwiza.”

“Kwiga kubaho wigirira icyizere cyo kuzamura ubushobozi haba mu bikorwa no mu butunzi rero ni urugendo, kandi nibyo bikubiye mu byo twasezeranije abantu. Aho waba waratangiriye hose, twiyemeje kugufasha kubona ibikoresho byiza, inkunga ndetse no kukuba hafi kuva aho uri kugeza aho wifuza kuba.”

Yavuze ko batoranyije José Mourinho kuko bamubona nk’umuntu wafasha Abanyafurika guhindura imyumvire.

Ati "Twishimiye cyane gukorana na José nk’umutoza mukuru kandi akaba ku isonga mu bikorwa byo kwamamaza kwacu.Urukundo afitiwe n’abanyafurika ndetse n’amateka afitanye n’umugabane wa Afurika ni bimwe mu byatumye tumuhitamo kwamamariza Sanlam, nka sosiyete ikorera mu bihugu bigera kuri 45 byo muri Afurika ndetse no hanze yayo.”

Abafana b’uyu mugabo bazagira amahirwe yo kuganira nawe binyuze mu buryo bwa Facebook Messenger BOT, aho azigisha abantu uburyo bwo kwiremamo icyizere, yaba ku bijyanye n’ intego, gahunda zubuzima no kumenya gutsinda inzitizi.

Ibi biganiro byose bizafasha kugera ku ntego nyamakuru ya Sanlam yo guharanira gufasha abantu benshi kubaho neza cyane ndetse no kubongerera icyizere cyo kugera ku ntego zabo mu kubafasha gutsinda ingorane z’ubuzima.

Kugira ngo umenye byinshi kandi uganire n’abatoza bagufasha kwiremamo icyizere, wanyura kuri cyangwa ugaca kuri konti za Sanlam kuri Instagram, Twitter na Facebook.

José Mourinho ni we uzaba ari umutoza mukuru mu bijyanye no kwigirira icyizere
Sandrine Isheja ni umwe mu batoza bo kwigirira icyizere bazatanga inama muri iyi gahunda
Yvan Buravan ni umwe mu batoza bo kwigirira icyizere
Umuyobozi muri Sanlam, Sydney Mbhele yavuze ko Sanlam yahisemo gutangiza iyi gahunda kuko yabonye ko iyo umuntu yifitiye icyizere agera kuri byinshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .