Abarenga 40 bamaze guhembwa muri Airtel Yora Kashi

Yanditswe na IGIHE
Kuya 10 Ukwakira 2018 saa 10:15
Yasuwe :
0 0

Sosiyete y’Itumanaho ya Airtel -Tigo Rwanda imaze guhemba abakiliya bayo basaga 40 binyuze muri Poromosiyo ya Yora Kashi.

‘‘Yora Kashi’’ izamara amezi atatu yatangijwe ku wa 20 Nzeri 2018. Ihemba abanyamahirwe mu gihugu hose aho buri munsi babiri bahabwa miliyoni y’amafaranga y’u Rwanda mu gihe buri cyumweru hatangwa miliyoni ebyiri Frw ku bakiriya babiri.

Iyi poromosiyo izasiga abagera kuri 206 bahembwe. Igihembo nyamukuru kizatangwa ni miliyoni 20 Frw.

Kuri uyu wa 9 Ukwakira 2018, Airtel yatanze ibihembo bya miliyoni eshatu z’amafaranga y’u Rwanda ku banyamahirwe b’i Kabuga muri Gasabo.

Abatomboye barimo Dukuzumuremyi Claude wiga muri Koleji y’Ikoranabuhanga (CST) muri Kaminuza y’u Rwanda. Yavuze ko amafaranga yahawe azayashora mu kugura imigabane mu sosiyete ziri ku Isoko ry’Imari mu Rwanda.

Yagize ati “Ndashimira Airtel yahaye Abanyarwanda amahirwe yo kwiteza imbere no gushora imari mu mishinga itandukanye. Nakinnye inshuro eshatu, bintwara 450 Frw. Narakomeje ntsindira 413,000 Frw.”

Nyakwezi Agnes winjiye muri poromosiyo ya Yora Kashi nyuma yo gusanga abana be bari kureba ikiganiro kuri Televiziyo Rwanda, yegukanye igihembo cy’icyumweru cya miliyoni 1.42 Frw.

Yagize ati “Nari mvuye mu kazi nsanga abana bari kureba ikiganiro nanjye mpita ntangira kugerageza amahirwe yanjye. Ku wa Gatanu (w’icyumweru gishize) nakiriye ubutumwa ko natsinze. Ndashima Imana na Airtel.”

Mu bandi batsinze barimo Rutikanga Egide, ukorera ubuhinzi muri Rulindo; Ndikumana Jean Remy na Uwamariya Epiphanie ufite iduka i Kabuga.

Guhitamo abatsinze bikorwa imbona nkubone kuri Televiziyo y’u Rwanda buri munsi guhera saa moya z’ijoro. Abanyamahirwe banatombora amafaranga aho ubukangurambaga bukorerwa mu gihugu hose.

Kwinjira muri ‘Yora Kashi’, abakiliya ba Airtel -Tigo Rwanda, bakanda cyangwa bohereze ubutumwa ku 155, bishyure amafaranga 150 Frw gusa. Abayitabira babona iminota yo guhamagara no gukoresha internet ku buntu.

Nyakwezi Agnes yahiriwe no gutombora igihembo cy'asaga miliyoni nyuma yo gusanga abana be bareba ikiganiro cya Yora Kashi
Dukuzumuremyi Claude yiteguye kugura imigabane ku isoko ry'imari nyuma yo guhembwa muri Yora Kashi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza