IGIHE.com > Politiki > Amakuru
Urubyiruko rurasabwa guharanira itangwa rya serivisi nziza

Urubyiruko rurasabwa guharanira itangwa rya serivisi nziza


Yanditswe kuya 29-06-2012 - Saa 17:32' na Abdou Nyampeta

‘’Ntibihagije ko urubyiruko rumenya umurimo gusa, ahuwo rugomba no kumenya gutanga serivisi nziza kandi inoze’’. Ibi ni ibitangazwa na Kamazi Steve, Umuyobozi w’Uwungirije w’umushinga EDC (Education Development Centre) ‘’Akazi Kanoze’’, mu inama nyunguranabitekerezo wateguye yateranye kuwa Gatanu tariki 29 Kanama 2012.

Iyo nama yahuje urubyiruko rwahuguwe n’umuryango ‘’Akazi Kanoze’’, abikorera ku giti cyabo cyane cyane abayobozi b’ama hoteri ndetse n’abatanga amahugurwa kugira ngo baganire barebere hamwe igikenewe ku isoko ry’akazi.

Kamanzi Steve yagize ati :’’ Duha urubyiruko ubumenyi ngiro dukurikije ibisabwa ku isoko ry’umurimo. Nta kuntu twaba dushobora gukora gahunda z’amahugurwa tutitaye ku bikenewe ku isoko.’’

Yakomeje avuga ati : ‘’Ingamba dufite kandi twatangiye niyo gukangurira urubyiruko gutanga serivisi nziza kuko nkurikije amateka y’igihugu cyacu ni ikintu cyasigaye inyuma. Twebwe nka ‘’ EDC Akazi Kanoze’’ icyo dukora ni ugufasha urubyiruko kugira ngo rubone ubwo bumenyi rutanga serivisi zinoze, ziyubashye z’umwuga no kumenya uburenganzira bwarwo, tubafasha no kuwishakira imirimo’’.

Umwe mu bahuguwe, Nibakure Sandra, yatangarije IGIHE.com agira ati :’’ Akazi kagenda kabura kandi mu by’ukuri warize kugira ngo ejo cyangwa ejo bundi uzibesheho ubesheho n’umuryango wawe. Naho ukabonye usanga ari akazi kadafite umumaro, byagera aho ngaho ukabivamo. Tuzakomeza tugerageze, gusa amahirwe tugira ni uko Umuryango’’ Akazi Kanoza’’ kadutoza kubana n’abandi, kandi iyo wabonye akazi uhura n’itsinda ry’abantu.

Ku kibazo cy’uko hari abakoresha badaha akazi abagakwigiye, Theophile Munderere, Umukozi wa Minisiteri y’umurimo (MIFOTRA) ushinwe guteza imbere ubumenyi yavuze ko ari ikibazo kigenda kigaragara ahantu hamwe na hamwe cyane cyane mu bikorera, aho usanga abakoresha rimwe na rimwe badaha icyo abakozi bagenerwa. Avuga ko nka Minisiteri bagerageza gushyiraho uburyo bwiza umukozi amenya ibyo umukoreshja amugomba’.

Yakomeje agira ati :’’ Leta imaze kubona ikibazo nk’icyo yashyizeho urwego rushinzwe kunoza uburyo bwo gukora ibizamini, ni Komisiyo ishinzwe amabwiriza agenga umukozi ushaka gutanga akazi, uburyo agomba kugatanga. Agomba kugendera ku mabwiriza n’ubushobozi bw’umukozi ndetse n’ubushobozi umurimo ukorwa ukeneye’’.
Umushinga EDC ‘’Akazi Kanoze’’ uterwa inkunga n’Umuryango w’Abaturage bo muri Amerika ugamije iterambere USAID.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO