Twagiramungu i Kigali muri Kamena 2013

Yanditswe na Rene Anthere Rwanyange
Kuya 28 Werurwe 2013 saa 02:39
Yasuwe :
0 0

Abanyarwanda babiri bayobora imitwe ya Politiki ikorera ku mugabane w’u Burayi, ari bo Twagiramungu Faustin na Gerard Karangwa Semushi, baraba bari ku butaka bw’u Rwanda mu mpera z’ukwezi kwa Kamena uyu mwaka.
Nyuma y’imyaka igera ku icumi ari mu buhungiro, umunyapolitiki Twagiramungu Faustin, uba mu Bubiligi, arashaka gukorera mu Rwanda bidasubirwaho.
Twagiramungu aherutse gutangariza kuri radiyo BBC, ko ishyaka ayoboye RDI-Rwanda Rwiza, ritazakomeza gukorera mu buhungiro, politiki agomba (...)

Abanyarwanda babiri bayobora imitwe ya Politiki ikorera ku mugabane w’u Burayi, ari bo Twagiramungu Faustin na Gerard Karangwa Semushi, baraba bari ku butaka bw’u Rwanda mu mpera z’ukwezi kwa Kamena uyu mwaka.

Nyuma y’imyaka igera ku icumi ari mu buhungiro, umunyapolitiki Twagiramungu Faustin, uba mu Bubiligi, arashaka gukorera mu Rwanda bidasubirwaho.

Twagiramungu aherutse gutangariza kuri radiyo BBC, ko ishyaka ayoboye RDI-Rwanda Rwiza, ritazakomeza gukorera mu buhungiro, politiki agomba kuyikinira imbere mu gihugu.

Gérard Karangwa Semushi uba mu Buholandi, akaba Visi Perezida w’ishyaka PDP-Imanzi ryashinzwe na Deo Mushaidi, na we yatangaje ko azafatana ikirere na Twagiramungu, bagasesekara i Kigali mbere y’uko ukwezi kwa Kamena 2013 kurangira. Icyo ashyize imbere ni ugukomeza ibitekerezo n’imikorere yo kuganira ngo Abanyarwanda bunge ubumwe nk’uko byari byaratangiwe na mu genzi we Musahyidi.

Mu kiganiro n’abanyamakuru ari Twagiramungu ari na Karangwa cyabaye uyu munsi i Buruseli, bombi batangaje ko batagiye gutegura kuzajya mu buyobozi bw’u Rwanda mu 2017 mu matora ya Perezida wa Repubulika ataha. Twagiramungu avuga ko Abanyafurika batajya bateganya gahunda zabo igihe kitaragera, ko rwose bazabitekerezaho ariko bikaba atari byo biri mu gahunda ibajyanye.

Twagiramungu aheruka mu kibuga cya Politiki mu Rwanda, mu matora ya Perezida wa Repubulika yo mu 2003. Icyo gihe yaratsinzwe ahita yerekeza iyo ku mugabane w’u Burayi.

Twagiramungu na Karangwa
Twagiramungu asobanurira abanyamakuru uko agiye gutaha mu Rwanda

Amafoto/ Karirima A. Ngarambe-Bruxelles


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza