IGIHE.com > Politiki > Amakuru
 Reynders na Masozera mu biganiro ku iyirukanwa ry’umukozi w’Ambasade y’u Bubiligi

Reynders na Masozera mu biganiro ku iyirukanwa ry’umukozi w’Ambasade y’u Bubiligi


Yanditswe kuya 2-02-2013 - Saa 15:13' na Karirima A. Ngarambe

Nyuma y’iyirukanwa ry’igitaraganya ku mukozi wari ushinzwe umutekano muri Ambasade y’u Bubiligi i Kigali, Ambasaderi w’u Rwanda Masozera Robert yahamagawe na Minisitiri w’Ububanyi n’Amahanga w’u Bubiligi Didier Reynders, ngo baganire kuri icyo kibazo.

Mbere y’uko Ambasaderi Masozera ajya kubonana na Didier Reynders ku wa 31 Mutarama, twamubajije ibirebana n’ikibazo cy’iyirukanwa ry’igitaraganya ku musirikare w’Umubiligi wakoreraga Ambasade yabwo mu Rwanda, atubwira ko ibirimo biganirwaho n’impande zombi mu rwego rwa Dipolomasi bitarangirizwa mu itangazamakuru.

Inkuru itangazwa na Radio Televiziyo y’Ababiligi (RTBF) ni uko uriya musirikare ngo ashobora kuba yaragaragayeho gukora ibyari binyuranye n’inshingano ze muri Ambasade y’u Bubiligi mu Rwanda, bikaba ari byo u Rwanda ngo rushobora kuba rwarahereyeho rumusezerera igitaraganya.

Turakomeza kubakurikiranira amakuru nyayo y’ibyaba byaravugiwe muri uwo mubanano.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO