Kwamamaza
  IGIHE.com

Minisitiri Mushikiwabo yaganiriye na mugenzi we w’U Bubiligi Didier Reynders

Yanditswe kuya 29-06-2012 saa 10:04' na Karirima A. Ngarambe
     


Kuri uyu wa Kane tariki 28 kamena, Minisitiri w’ububanyi n’amahanga Louise Mushikiwabo yagiriye uruzinduko rw’akazi mu gihugu cy’u Bubiligi, aho yaganiriye na Mugenzi we Minisitiri w’intebe wungirije akaba na Minisitiri w’ububanyi n’amahanga w’u Bubiligi Didier Reynder. Abaminisitiri bombi baganiriye ku mibanire hagati y’ibihugu byombi u Rwanda n’u Bubiligi, banaganira ku kibazo cy’uburasirazuba bwa Repubulika Iharanira Demokarasi ya Congo.
Uru ruzinduko rubaye nyuma y’iminsi ibiri Minisitiri wa (...)

Kuri uyu wa Kane tariki 28 kamena, Minisitiri w’ububanyi n’amahanga Louise Mushikiwabo yagiriye uruzinduko rw’akazi mu gihugu cy’u Bubiligi, aho yaganiriye na Mugenzi we Minisitiri w’intebe wungirije akaba na Minisitiri w’ububanyi n’amahanga w’u Bubiligi Didier Reynder.

Abaminisitiri bombi baganiriye ku mibanire hagati y’ibihugu byombi u Rwanda n’u Bubiligi, banaganira ku kibazo cy’uburasirazuba bwa Repubulika Iharanira Demokarasi ya Congo.

Uru ruzinduko rubaye nyuma y’iminsi ibiri Minisitiri wa Congo w’ububanyi n’amahanga nawe ahavuye. Abaminisitiri bombi baganiriye uburyo bwiza bwakoreshwa ngo aka karere kagarukemo umutekano n’igisubizo cy’inkomoko y’ibyo bibazo, bagarutse kandi ku rugendo Minisitiri Didier Reynders azagirira mu Rwanda mu minsi iri imbere.

Mu kiganiro Didier Reynders yagiranye na Radio yigenga ya RTL muri iki gitondo cya tariki 29 kamena, yavuze ko yishimiye uko ibintu birimo bigenda mu rwego rwo gushakira umuti ibibazo biri muri Congo avuga ko icy’ingenzi ari uko mu byo yaganiriye na Minisitiri Louise Mushikiwabo ku ruhande rw’u Rwanda bafite ubushake bwo kuganira mu gushakira hamwe umuti w’ikibazo, kandi ko u Rwanda kugeza ubu ruvuga ko ibyo baruvugaho ko rwaba rufasha M23 atari byo.

Nkuko Minisitiri Didier Reynders yakomeje abivuga ngo igishimishije nuko u Rwanda rufite ubushake bwo kurangiza ibibazo mu guhura kw’abo bireba bakabiganiraho. Didier Reynders yasoje avuga ko u Bubiligi bwiteguye gutera inkunga muri icyo gikorwa cyo kugarura umutekano muri aka karere.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved