Kwamamaza

Ibibazo bya M23 ntibindeba -Perezida Kagame

Yanditswe kuya 27-02-2013 saa 17:05' na Rene Anthere Rwanyange
     


Mu kiganiro n’abanyamakuru Perezida Paul Kagame yagiranye n’abanyamakuru kuri uyu wa Gatatu tariki ya 27 Gashyantare, yatangaje ko ibibera muri Congo atabizi atanashaka kubikurikirana, ko ibibazo byo muri icyo gihugu bireba abanyekongo ubwabo mbere y’abandi.
Amasezerano yo kugarura amahoro mu gihugu cya Congo Kinshasa “Peace Framework of DRC” yashyizweho umukono i Addis Abeba muri Ethiopia mu mpera z’icyumweru gishize, ntazakemura ikibazo cy’umutekano muri Congo gusa kuko azarangiza n’icya FDLR (...)

Mu kiganiro n’abanyamakuru Perezida Paul Kagame yagiranye n’abanyamakuru kuri uyu wa Gatatu tariki ya 27 Gashyantare, yatangaje ko ibibera muri Congo atabizi atanashaka kubikurikirana, ko ibibazo byo muri icyo gihugu bireba abanyekongo ubwabo mbere y’abandi.

Amasezerano yo kugarura amahoro mu gihugu cya Congo Kinshasa “Peace Framework of DRC” yashyizweho umukono i Addis Abeba muri Ethiopia mu mpera z’icyumweru gishize, ntazakemura ikibazo cy’umutekano muri Congo gusa kuko azarangiza n’icya FDLR ihungabanya umutekano w’u Rwanda.

Umukuru w’igihugu yasobanuye ko ibibazo bibera muri Congo bigira ingaruka ku baturanyi akaba ariyo mpamvu ibihugu bigomba gukorera hamwe kugira ngo bigere ku mahoro arambye. Agira ati “Buri gihugu kiba gifite icyo kivanamo kuko muri ayo masezerano havugwamo uko Interahamwe na FDLR bikwiye kugenzwa.”

Ku cyo Abanyarwanda baba bazungukira mu masezerano yo kugarura amahoro muri Congo, Perezida Paul Kagame atangaza ko ihungabana ry’umutekano muri Congo bigira ingaruka ku Rwanda, bityo ubwo icyo gihugu kizaba gifite amahoro n’abanyarwarwa bazaba bayafite.

Ikindi yongeyeho ni uko hakenewe amahoro muri Congo no mu karere kose, akaba ari yo mpamvu ibihugu bigomba gushyira hamwe bikarwanya imitwe yitwaje intwaro ihungabanya umutekano aho iri hose.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved