Kwamamaza

Muhima:Imidugudu yahize indi mu isuku n’umutekano yagenewe ibihembo

Yanditswe kuya 26-11-2016 saa 19:51' na Thamimu Hakizimana


Ubuyobozi bw’umurenge wa Muhima wo mu Karere ka Nyarugenge mu Mujyi wa Kigali, bwagororeye Imidugudu itatu yahize indi mu kugira isuku n’umutekano.

Iki gikorwa kije nyuma y’amezi atatu ubuyobozi bw’Umurenge wa Muhima bukora ubugenzuzi bw’isuku mu duce twose tuwugize.

Kuri uyu wa Gatanu tariki ya 25 Ugushyingo 2016, ni bwo imidugudu itatu muri 34 iwugize yagaragayemo isuku kurusha iyindi, yahembwe.

Umudugudu w’Imihigo, ni wo wabaye uwa mbere uhembwa amafaranga ibihumbi 100 n’igikombe, uwa Kabiri uba uw’Impala wo mu Kagari ka Rugenge uhabwa ibihumbi 50,naho uwa Gatatu wabaye uwa Rugenge.

Umunyamabanga Nshingwabikorwa w’umurenge wa Muhima Ruzima John, yatangaje ko bahisemo guhemba iyi midugudu itatu ndetse n’Akagari kamwe mu Tugari turindwi tuwugize kugira ngo dutere umwete abaturage wo kurangwa n’isuku.

Umuturage witwa Dusima John, na we avuga ko iki gikorwa cyo guhemba imidugudu n’Akagari byaranzwemo isuku n’umutekano Umurenge wakoze ari cyiza cyane.

Yagize ati “ Ibi ni byiza kuko bizatuma n’abandi baturage bo mu midugudu cyangwa Utugari tutahembwe bakoresha uko bashoboye kugira ngo ubutaha na bo bazahembwe, ikindi bitugaragariza ko ubuyobozi bwacu bukora neza.”

Muri uyu muhango ubuyobozi bw’umurenge wa Muhima bwanishimiye kuba ari wo wababashije kwishyura ubwisungane mu kwivuza ku kigero cya 100% mu Karere ka Nyarugenge.

Imidugudu yabaye iya mbere ihembwa
Umunyamabanga Nshingwabikorwa w'Umurenge wa Muhima, Ruzima John
Umuturage witwa Dusima John yavuze ko iki gikorwa gikangura abantu bigatuma bita ku isuku y'aho batuye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved