Kwamamaza

Ikibazo cya Sudani y’Epfo cyahagurukije igitaraganya abakuru b’ibihugu bya IGAD

Yanditswe kuya 5-08-2016 saa 17:27' na Cyprien Niyomwungeri


Abakuru b’ibihugu na Guverinoma za Afurika y’Iburasirazuba bahuriye mu muryango IGAD, bahuriye i Addis Abeba muri Ethiopia kuri uyu wa Gatanu, ngo bavugutire umuti urambye ikibazo cy’umutekano muke gikomeje gushegesha Sudan y’Epfo.

Mu kwezi gushize nibwo imirwano yongeye kubura hagati y’ingabo za Perezida Salva Kiir n’iza Visi Perezida we Riek Machar, zihitana abasivili barenga 270 abandi bava mu byabo.

Iyi mirwano yubuye nyuma y’uko muri Kanama umwaka ushize hari hasinywe amasezerano y’amahoro hagati ya Leta ya Sudani y’Epfo n’inyeshyamba zitavuga rumwe na yo.

Perezida Uhuru Kenyatta wa Kenya, Museveni wa Uganda na Minisitiri w’intebe wa Ethiopia, Hailemariam Desalegn, nibo bari abahuza mu biganiro byagejeje ku isinywa ry’ amasezerano y’amahoro nubwo yaje guteshwa agaciro ntiyubahirizwe.

Muri iyi nama ibihugu bya Djibouti, Ethiopia, Somalia, Eritrea, Sudan, South Sudan, Kenya, Uganda n’u Rwanda biri bube birahagarariwe.

Perezida Paul Kagame yageze i Addis Abeba ku gicamunsi cyo kuri uyu wa Gatanu.

Byitezwe ko abo bayobozi bari bushimangire umwanzuro w’inama y’Umuryango wa Afurika yunze Ubumwe iherutse kubera i Kigali, wo kohereza ingabo z’Abanyafufika, ziyongera ku zisanzwe zigarura amahoro muri Sudani y’Epfo (Minuss).

Icyo gihe Perezida wa Tchad, akaba n’Umuyobozi wa AU,Idriss Deby Itno, yasabye impande zishyamiranye muri Sudani y’Epfo kubaha amasezerano y’amahoro bashyiriyeho umukono i Addis Abeba umwaka ushize.

Perezida Kagame yageze muri Ethiopia mu nama ya IGAD

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved