00:00:00 IGIHE NETWORK KN KINYARWANDA EN ENGLISH FR FRANCAIS

Amb. Karega yahawe igihembo cy’ibikorwa by’indashyikirwa

Yanditswe na Kanamugire Emmanuel
Kuya 1 Nyakanga 2021 saa 11:01
Yasuwe :
0 0

Ambasaderi w’u Rwanda muri Repubulika Iharanira Demokarasi ya Congo, Vincent Karega, yahawe igihembo yagenewe n’Ikigo gikora ibijyanye n’itumanaho n’ubujyanama mu bya politiki, Panorama, kubera ibikorwa by’intangarugero yakoze mu bihugu byombi.

Iki gihembo yagishyikirijwe kuri uyu wa 1 Nyakanga 2021. Mu mpamvu zatumye iki kigo kimugenera igihembo harimo kuba by’umwihariko yaragaragaje ubushobozi n’ibikorwa by’ingirakamaro haba mu rwego rwa politiki, dipolomasi, ubuyobozi n’ibindi bya kimuntu.

Nk’uko bigaragara kuri iki gihembo mu magambo yanditseho, ikigo Panorama cyasobanuye ko Karega yagize uruhare mu gushimangira umubano muri dipolomasi y’ibihugu byombi, amateka n’ubufatanye bw’abaturage b’ibihugu byombi.

Mu butumwa yanyujije kuri Twitter, Ambasaderi Karega yavuze ko yatunguwe kandi ko yishimiye iki gihembo n’uburyo yazirikanwe n’iki kigo.

Ahawe iki gihembo mu gihe muri Gicurasi uyu mwaka bamwe mu bakoresha imbuga nkoranyambaga n’ibinyamakuru muri RDC bamwibasiye bamushinja ubugizi bwa nabi.

Mu kiganiro yagiranye n’Ikinyamakuru cyitwa Business et Finances cyo muri RDC, Karega yavuze ko byari ibihuha bidafite ishingiro byakwirakwijwe n’abafite inyungu atazi izo ari zo.

Ambasaderi Vincent Karega amaze umwaka urengaho amezi make ahagarariye u Rwanda muri Repubulika Iharanira Demokarasi ya Congo, inshingano nk’izi akaba yarazibayemo no muri Afurika y’Epfo.

RDC ni cyo gihugu yavukiyemo anagikuriramo kuko ababyeyi be bafite inkomoko mu Rwanda ari ho bari batuye akaba yarahavuye afite imyaka 27 agaruka mu Rwanda mu 1995 avuye muri Afurika y’Epfo aho yari atuye nk’umwenegihugu wa Zaïre y’icyo gihe.

Avuga adategwa indimi eshatu zikoreshwa muri Congo zirimo Igifaransa, Igiswahili n’Ilingala naho igi-Tshiluba n’Ikikongo akazivuga mu buryo bworoheje.

Amb. Vincent Karega ashyikirizwa igihembo yagenewe na Panorama RDC
Iki gihembo Karega yagihawe kubera ibikorwa by’intangarugero yakoze muri Repubulika Iharanira Demokarasi ya Congo no mu Rwanda
Iki gihembo yagihawe kuri uyu wa 1 Nyakanga 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .