Kwamamaza

Sudani y’Epfo yavuye ku izima yemera ko hoherezwayo ingabo

Yanditswe kuya 6-08-2016 saa 07:55' na IGIHE


Abakuru b’ibihugu umunani na za Guverinoma za Afurika y’Iburasirazuba bahuriye mu muryango IGAD bemeje ko muri Sudani y’Epfo hoherezwa izindi ngabo zo gucunga umutekano no kugarura amahoro.

Uyu mwanzuro ufashwe nyuma y’ukwezi imirwano yubuye mu murwa mukuru Juba, ubwo ingabo za Perezida Salva Kiir zashyamiranaga n’iza Visi Perezoda Riek Machar.

Mu nama yahuje abakuru b’ibihugu bigize IGAD kuri uyu wa Gatanu i Addis Abeba, hemejwe ko hoherezwayo izindi ngabo ziyongera zari zihasanzwe (MINUSS).

Mu nama ya AU yabereye i Kigali muri Nyakanga, Sudani y’Epfo yari yanze izindi ngabo, icyakora kuri uyu wa Gatanu icyo gihugucyavuye ku izima, nkuko Reuters yabitangaje.

Perezida wa Tchad, akaba n’Umuyobozi wa AU,Idriss Deby Itno, yari yasabye impande zishyamiranye muri Sudani y’Epfo kubaha amasezerano y’amahoro bashyiriyeho umukono i Addis Abeba umwaka ushize.

Mu kwezi gushize nibwo imirwano yongeye kubura hagati y’ingabo za Perezida Salva Kiir n’iza Visi Perezida we Riek Machar, zihitana abasivili barenga 270 abandi bava mu byabo.

Perezida Kagame,(uwa kabiri ibumoso) umwe mu bakuru b'ibihugu bitabiriye inama ya IGAD
Perezida Uhuru Kenyatta wa Kenya (iburyo) nawe yitabiriye inama ya IGAD

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved