Kwamamaza

Umuhanzi ukizamuka muri ‘Gospel’ ababazwa n’uko bagenzi be bameze nk’abarushanwa

Yanditswe kuya 1-06-2014 saa 12:08' na


Umuhanzi Iyamuremye Serge ukunzwe cyane muri iyi minsi kubera indirimbo ‘Uwiteka Arampagije’, aranenga abahanzi nyarwanda baririmba indirimbo zihimbaza Imana badafite impamvu babirimba ari na byo bituma basa nk’ako bahangana kandi bakorera Imana umwe.
Iyamuremye ni umuririmbyi wa Gospel uvugwaho kuba yarahamagariwe kuzana benshi kuri Yesu Kirisito kugira ngo abatuye Isi bemere ko ari Umwami kandi agira neza.
Yavukiye mu Mujyi wa Kigali i Nyamirambo akaba uvuka ari uwa gatandati mu bana (...)

Umuhanzi Iyamuremye Serge ukunzwe cyane muri iyi minsi kubera indirimbo ‘Uwiteka Arampagije’, aranenga abahanzi nyarwanda baririmba indirimbo zihimbaza Imana badafite impamvu babirimba ari na byo bituma basa nk’ako bahangana kandi bakorera Imana umwe.

Iyamuremye ni umuririmbyi wa Gospel uvugwaho kuba yarahamagariwe kuzana benshi kuri Yesu Kirisito kugira ngo abatuye Isi bemere ko ari Umwami kandi agira neza.

Yavukiye mu Mujyi wa Kigali i Nyamirambo akaba uvuka ari uwa gatandati mu bana barindwi, akaba yarakuze aririmbana n’abavandimwe be ndetse na nyina.

Yagize ati "Nk’abahanzi rwose numva twagakwiye mbere na mbere kugira impamvu yibintu dukora; birasa naho tudakorera umwami umwe. Njye mbabazwa no kubona wagirango hari compentition (amarushanwa), numva twamenya icyo turimo dukora niba koko harimo abantu bakizwa ku bwacu”.

Yakomeje agira ati “Ikindi ntabwo tumenya ‘gutera inkunga’ umuntu urimo atera imbere ngo twumve ko gutera imbere kwe harimo benshi bakira ubutumwa buva mu ndirimbo ze; birambabaza kuba nta muhanzi ushobora kwicarana nundi ngo niba hari icyo abona kitagenda amugire inama, ahubwo niba wenda yatannye cyangwa arimo arajya ahabi akaba uwa mbere wo kumuseka nyamara ataragize umwanya wo kumuhugura agikora ibitari byo”.

Avuga ko benshi mu bahanzi bateye imbere babura guhugura abakizamuka ahubwo bakarebera gusa, bikaba bikunda kuba no kubashumba b’amatorero bazi kandi bemera ko impano z’abaririmbyi zazana benshi kuri Yesu.

Icyo asaba abapasiteri ni ukujya begera abahanzi kurusha uko babikoraga batitaye ku basengera mu matorero yabo ahubwo bareba abo basangiye umubiri umwe muri Yesu Kirisito.

Kuri we, abona aba bapasiteri n’abahanzi babirambyemo bakwiye kubahugura kugira ngo uyu murimo utazakorwa nabi mu gihe bo bamaze kuwuhagarika kubera impamvu zitandukanye.

Yagize ati “Ubonye ibintu bibi, biroroshye kwegera umuhanzi ubonyeho ikibazo ubundi ukamubwirana ineza n’urukundo ukamugira inama. Uba ukoze ikintu n’Imana itazigera yirengagiza; niba ari ukumubwira uti ‘komereza aho’ uba umuhaye imbaraga zindi wowe utakwiyumvisha”.

Uyu muhanzi avuga ko nubwo yakuze agenda akunda umuziki, mu bwana bwe yakundaga umupira w’amaguru biza kugenda bigabanyuka ubwo yinjiye mu ishuri ryigisha umuziki no kuba yacuranga asoma.

Yakomeje kwikundira gucuranga cyane nyuma aza kugirirwa ubuntu aba mu bacuranzi bacurangiraga Tonzi. Muri ibyo bihe nibwo yatangiye kwumva ko nawe yagerageza.

Atangira kuririmba yakoranaga n’umuhanzi Vincent aho bakoze indirimbo zagiye zikundwa nk’iyitwa "Uwiteka niwe mwungeri" n’izindi.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: info@igihe.com, marketing@igihe.com

Website Developped by

Uru Rubuga Ruheruka Gushyirwaho Amakuru Thursday 11 August 2016
Copyright © 2009 -2014 - IGIHE Ltd - All Rights Reserved