Urubyiruko rwa Zion Temple rugiye kwiga uko rwakiranuka, rukanahangira akazi abatagafite

Yanditswe na Umurerwa Emma Marie
Kuya 17 Werurwe 2017 saa 04:43
Yasuwe :
0 0

Itorero rya Zion Temple riyobowe n’Intumwa y’Imana Dr Paul GItwaza, ryateguye kuri uyu wa Gatandatu, igikorwa kizahuriza hamwe urubyiruko rukora imirimo itandukanye, rukiga uburyo bwo kwimakaza indangagaciro za gikirisitu aho rukora, n’uburyo bwo guhangira akazi abatagafite.

Iki gikorwa cyizwe “Canopy Breakfast” kigiye kuba ku nshuro ya mbere, kizabera muri Hôtel des Milles Collines guhera saa mbiri za mu gitondo kugeza saa saba.

Umuvugizi w’Itorero rya Zion Temple, Nzabakira Floribert, yabwiye IGIHE ko hagamijwe gushishikariza urubyiruko rukijijwe kuba urumuri no guhora rurangwa n’indangagaciro za gikirisitu aho rukora.

Yagize ati “Hari abantu bibwira ko umuntu ukijijwe ataba rwiyemezamirimo kandi ngo akiranuke, abandi bakumva ko umuntu yaba umukirisitu ku cyumweru gusa mu minsi y’akazi akaba umupagani. Turashaka kwereka urubyiruko ko kuba umukirisitu igihe cyose bishoboka kandi umuntu agatera imbere, twifashishije ubuhamya bw’ababishoboye bateye imbere mu buryo bugaragara.”

Urestse iby’ukwemera, muri iki gikorwa hanateganyijwe kwigira hamwe n’urubyiruko imishinga yashorwamo imari igaha akazi urubyiruko rutagafite, bakiteza imbere banateza igihugu imbere.

Nubwo iki gikorwa cyateguwe n’Itorero Zion Temple, abasengera mu yandi matorero nabo ntibahejwe. Ariko abazitabira bose umwe azishyura amafaranga ibihumbi 10 azavamo ifunguro.

Intumwa y’Imana Dr Paul Gitwaza, Umuyozozi mukuru wa Zion Temple ku isi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244