Kwamamaza

"Abantu bakwiye kuva mu rujijo, Imana niyo izagororera abayikoreye by’ukuri"

Yanditswe kuya 13-11-2016 saa 17:45' na Emma-Marie Umurerwa


Umuvugabutumwa Hakizimana Justin, usengera mu Itorero rya Pantekote mu Rwanda (ADEPR), avuga ko abakozi b’Imana badakwiye kuranganzwa n’ibihembo bitangirwa mu isi, ahubwo bagomba guhora baharanira ibizatangwa n’Imana.

Nta myaka 20 irashira, Imiryango, Ibigo ndetse n’abantu ku giti cyabo mu Rwanda batangiye ibikorwa bitandukanye byo guhemba abakozi b’Imana bahiga abandi mu kubwiriza cyangwa gukora ibikorwa by’indashyikirwa, chorale ziririmba neza, indirimbo yo guhimbaza Imana yahize izindi, ndetse n’abaririmbyi ku giti cyabo babaye indashyikirwa.

Avuga kuri ibi bihembo, umuvugabutumwa Hakizimana Justin yagize ati "Biriya bihembo ni ibikorwa byo mu Isi, si ibyo mu Ijuru. Abantu bakwiye kuva mu rujijo, Imana niyo izagororera abantu bayikoreye by’ukuri kuko ni nayo ireba mu mutima."

Hakizimana Justin, avuga ko ibi bihembo bidakwiye kugira uwo birangaza, ahubwo bikwiye gutuma abantu bakanguka, bagakorera ibihembo bizatangwa n’Imana.

Ati “Iyo bagiye gutanga biriya bihembo bareba imirimo y’inyuma, rimwe na rimwe batazi n’impamvu umuntu ayikora, kuko bamwe babikora ku bw’icyubahiro cy’Imana abandi bakabikora ku bw’icyubahiro cyabo.”

Yakomeje agira ati “Uzasanga hari abantu benshi bahabwa amashimwe nyamara baravuye mu Ijambo ry’Imana, kandi Yesu yavuze ko tuzaba abigishwa be nyakuri nituguma mu ijambo (Yohana 8:31). Ibyo kandi ni bike twe abantu b’abantu tubasha kubona kuko iby’Imana ibona abantu batabona ni byinshi cyane.”

Akomeza avuga ko ibihembo abakorera Imana babona mu Isi bishobora kubatera akanyabugabo ko kurushaho gukorera Imana, ariko kandi ngo ntibakwiye kuba ari byo bahanga amaso.

Ati “Ibihembo byo mu Ijuru ni ibyo amaso atigeze abona ndetse Bibiliya itubwira ko tuzahabwa ikamba ritangirika, aya makamba(ibihembo) duhabwa mu isi rero yo arangirika.”

Akomeza avuga ko abakozi b’Imana bahabwa ibihembo mu Isi, badakwiye kwirara, ahubwo ngo bagomba kurushaho kuba maso no kwirinda, bategereje ibihembo bitangirika bazahabwa n’Imana ishingiye ku mirimo bakoze bakiri mu Isi.

Evangeliste Hakizimana avuga ko nta mukozi w'Imana ukwiye kurangazwa n'ibihembo byo mu isi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved