Korali Jehovah Jireh ya ULK igiye kumurika album ya gatatu y’indirimbo z’amashusho

Yanditswe na Kanamugire Emmanuel
Kuya 29 Kamena 2017 saa 02:00
Yasuwe :
4 4

Korali Jehovah Jireh ya CEP ULK igiye gushyira ahagaragara umuzingo wa gatatu w’indirimbo z’amashusho, mu gitaramo kizaba ku wa 9 Nyakanga 2017.

Iki gitaramo kizabera kuri Stade ya ULK guhera saa saba n’igice aho Korali Jehovah Jireh izafatanya ka Korali Siloam yo muri ADEPR Paruwase Gasave, Umudugudu wa Kumukenke.

Nk’uko byatangajwe na Visi Perezida wa Korali Jehovah Jireh, Muvunyi Hyppolite, umwigisha watumiwe muri iki gitaramo ni Pasiteri Karayenga J.Jacques.

Album ya gatatu igizwe n’indirimbo zigera kuri 13 zirimo iyitwa ‘Umukwe araje’, ‘Tugufitiye icyizere Mana’, ‘Izahanagura amarira’, ‘Imana yaraduhamagaye’ n’izindi.

Ije ikurikira iya mbere yari irimo izakanyujijeho kubera gukundwa no gufasha imitima y’abatari bake nka ‘Kugira ifeza’, ‘Guma muri Yesu’, ‘Ingoma yawe’ ndetse n’iya kabiri yarimo izitwa ‘Turakwemera’, ‘Intsinzi’, ‘Akira ishimwe’ n’izindi.

Korali Jehovah Jireh yashinzwe mu 1998, ikorera umurimo w’Imana mu Itorero rya Pentekote ADEPR by’umwihariko muri CEP ULK.

Usibye ivugabutumwa ikora yifashishije indirimbo, Korali Jehovah Jireh ikora n’ibindi bikorwa by’urukundo birimo gufasha abatishoboye nk’uko Muvunyi yabitangaje.

Korali Jehovah Jireh izwiho kugira indirimbo zigaruriye imitima ya benshi
Korali Jehovah Jireh igarukanye indirimbo zifite ubutumwa burimo ubwo kugaruka kwa Yesu
Korali Siloam ya ADEPR Kumukenke izifatanya na Jehovah Jireh mu gitaramo cyo kumurika album yayo ya gatatu
Abakunzi ba Korali Siloam na bo bazasusurutswa na yo mu gitaramo cya Korali Jehovah Jireh

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza