Kwamamaza

"Imana izabarana n’abagaragu bayo ibyo yabasigiye"

Yanditswe kuya 27-08-2016 saa 16:28' na IGIHE


Nta kintu na kimwe cyatwikiriwe kitazatwikururwa, cyangwa igihishwe munsi y’ijuru kitazamenyekana imbere y’amaso y’abantu mu gihe cyo guca imanza ndetse no gutanga ingororano zikwiranye n’ibyo twakoze tukiri mu Isi.

Mu butumwa bwiza uko bwanditswe na Matayo hagira hati "Ni cyo gituma ubwami bwo mu ijuru bwagereranywa n’umwami washatse ‘kubarana’ n’abagaragu be umubare w’ibyo yababikije (Matayo 18:23). "Maze iminsi myinshi ishize, shebuja w’abo bagaragu araza, abarana na bo umubare w’ibyo yabasigiye( Matayo 25:19)

Iri jambo ryerekana neza ko Imana izakora igenzura kubyo yasigiye abantu bayo cyangwa inshingano yabahaye, uhereye ku bakuru b’amatorero kugeza ku bakristo.

‘Kubarana’ bivuze gufata akanya ukicarana n’umuntu mukajya mu mibare kugira ngo murebe niba ibyo umwe agomba undi byarujujwe neza.

‘Ubwami bwo mu ijuru bugereranywa n’umutware washatse kubarana n’abagaragu be umubare w’ibyo yabasigiye’ rigaragaza inkuru ivuga ko uwo mutware yari afite urugendo azatindamo bigatuma ibyo atunze abigabanya abagaragu be, umwe akamuha italanto eshanu, undi ebyiri na ho uwa gatatu akamuha italanto imwe.

Abagaragu basabwe kuzikoresha no kuzibyaza umusaruro, kugira ngo shebuja nagaruka azasange barazibyaje umusaruro.

Ikibazo gikunze kugaragara mu buzima bw’abantu si ubwinshi bw’ibyo batunze cyangwa ugukomera kw’impano zabo, ahubwo uburyo bazikoresha ndetse n’uburyo bakiranuka, kuko gukiranuka muri bike bituma wongererwa byinshi.

Uyu mutware agarutse yabaranye n’abagaragu be asanga babiri muri bo barabyaje umusaruro ibyo yabasigiye arabashimira. Asanga uwa gatatu yatabye italanto ye kubera umwaga yavugaga ko sheubja afite. Iyi myitwarire yatumye agawa ndetse anyagwa itaranto yari yahawe.

Bibiliya kandi igaragaza inkuru y’umugaragu wishyuzwaga ideni rinini cyane, abuze ubwishyu aratakamba shebuja aramubabarira, ariko asohotse afata mu ijosi undi mugaragu mugenzi we wari umurimo ideni rito ariko rimugoye kwishyura.

Shebuja aho abimenyeye yicujije icyatumye amubabarira bityo amwohereza mu nzu y’imbohe.

Igihe kigiye kugera ubwo Imana izabaza umuntu wese ibyo yamuhaye. Iri jambo rirandeba na we rirakureba, kuko hari ibyo twahawe n’Imana tuzabazwa uko twabikoresheje cyangwa uko twitwaye mu mwanya runaka yadushyizemo.

Yaguhaye ubwenge, yaguhaye ubutunzi, akazi keza, ndetse n’ibindi byinshi, bityo abantu tugomba kuba maso kuko Imana ‘izabarana’ natwe.

Nkuko tubisoma mu gitabo cy’Ibyahishuwe 22:12 havuga ngo “Dore ndaza vuba nzanye ingororano, kugira ngo ngororere umuntu wese ibikwiriye ibyo yakoze."

Imana ibahe umugisha yari Pasiteri Aimable Nkuranga, wo mu Itorero rya ADEPR.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved