Women Foundation Ministries yateguye igikorwa cyo gushima Imana kizarangwa no gufasha abafite ubumuga

Yanditswe na IGIHE
Kuya 22 Ugushyingo 2017 saa 05:32
Yasuwe :
0 0

Umuryango Women Foundation Ministries, ushingiye ku kwizera unagamije kubaka umuryango binyuze mu mugore, wateguye igikorwa cyo gushima Imana kizarangwa no gufasha abana bafite ubumuga butandukanye.

Mu itangazo rigenewe abanyamakuru ry’uyu muryango watangijwe na Apostle Alice Mignonne Kabera, watangaje ko icyo gikorwa kizaba mu byiciro bibiri, aho kuwa Gatanu tariki 24 Ugushingo 2017 , kuva saa tatu za mugitondo, uzerekeza i Gahanga , mu Karere ka Kicukiro gufasha abana bafite ubumuga burimo ubwo mu mutwe cyangwa ku mubiri mu kigo cyitwa Inshuti zacu gishinzwe kubitaho nkuko Pastor Liz Bitorwa yabisobanuye.

Yakomeje avuga ko bazitwaza imfashanyo zirimo ibikoresho by’isuku n’ibindi bikenerwa mu buzima bw’abo bana bwa buri munsi nk’biribwa, imyenda, ibiryamirwa, ibikoresho by’isuku, ibikoresho by’ishuri n’ibindi.

Kuwa 25 Ugushyingo uyu muryango urateganya guhuza abantu bakorera mu nzego zitandukanye hagamijwe gufatanyiriza hamwe gushima Imana nk’Abanyarwanda ku mpano nziza y’ubuzima n’ibyo imaze kubagezaho muri uyu mwaka wa 2017, by’umwihariko igikorwa cy’amatora ya Perezida yabaye muri Kanama 2017.

Igikorwa cyo gushima Imana cyavukiye mu iyerekwa ryahawe umushumba mukuru wa WFM binyuze mu ijambo ry’Imana riri mu gitabo cyo Gutegekwa kwa kabiri 8 :12 – 14 rigira riti “Numara kurya ugahaga, ukamara kubaka amazu meza ukayabamo, inka zawe n’imikumbi yawe, n’ifeza zawe n’izahabu zawe, n’ibyo ufite byose bikaba bigwiriye, uzirinde umutima wawe we kwishyira hejuru, ngo wibagirwe Uwiteka Imana yawe yagukuye mu gihugu cya Egiputa, mu nzu y’uburetwa.”

Iki gikorwa cyatangiye mu 2007, ubu kigiye kuba ku nshuro ya 11 gikorwa mu buryo bwo gufasha abatishoboye hagamijwe gushishikariza abanyarwanda gushima Imana ku byo yabagejejeho no kubibutsa umuco nyarwanda w’ubupfura urangwa no gushimira,urukundo, gushigikira abatishoboye n’ibindi.

Biteganyijwe ko iki gikorwa kizitabirwa n’abayobozi mu nzego za leta, abo mu bigo byigenga, abayobozi b’amadini atandukanye, ibigo by’itangazamakuru n’abashyitsi bazaba baturutse hirya no hino bazanywe no kwifatanya nabo gushima Imana.

Igikorwa cyo gushima Imana cyavukiye mu iyerekwa ryahawe umushumba mukuru wa WFM
Mu gikorwa nk'iki abatishoboye bahabwa ibikoresho bitandukanye byo kwifashisha mu buzima birimo n'ibiribwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza