Kwamamaza

Papa Francis yashyizeho abakaridinali bashya barimo n’ushobora kuzamusimbura

Yanditswe kuya 10-10-2016 saa 08:26' na Cyprien Niyomwungeri


Umushumba wa Kiliziya ku Isi, Papa Francis yashyizeho abakaridinali bashya 17 bakomoka mu bice bitandukanye by’Isi barimo 13 bari munsi y’imyaka 80 byitezwe ko hashobora kuzavamo uzamusimbura.

Abakaridinali bafatwa nk’ibikomangoma bya Kiliziya, mu bubasha bakaba bakurikirana na Papa ndetse bagakora nk’abajyanama be ku Isi n’i Vatican.

Gushyiraho abakaridinali ni imwe mu nshingano n’ububasha bya Papa. Mu bo Papa Francis yashyizeho, harimo abatagejeje imyaka 80 bemerewe gutorwamo uzamusimbura igihe azaba yapfuye cyangwa yeguye.

Ejo ku cyumweru tariki 9 Ukwakira 2016, Papa yashyizeho Abakaridinali bashobora kuzatorwamo Papa bakomoka mu Butaliyani, Repubulika ya Centrafrique, Leta Zunze Ubumwe za Amerika, Brazil, Bangladesh, Venezuela, U Bubiligi, Mauritius, Mexique no muri Papua New Guinea.

Nkuko Reuters ibitangaza, Umukaridinali umwe muri bariya 13 bemerewe gutorwamo Papa, azakorera i Vatican abandi bakomeze imirimo yabo aho basanzwe bakorera.

Abakaridinali bane barengeje imyaka 80, bahawe uyu mwanya nk’ikimenyetso cy’icyubahiro cyo kubashimira imirimo bakoreye Kiliziya. Barimo Padiri Ernest Simoni w’imyaka 88 wo muri Albania wafunzwe imyaka myinshi akoreshwa n’imirimo y’agahato ku ngoma y’umunyagitugu Enver Hoxha.

Ibirori nyir’izina byo kuzamura abo bakaridinali mu ntera biteganyijwe kuwa 19 Ugushyingo 2016. Papa Francis amaze gushyiraho abakaridinali 44 bemerewe kuba batorwamo umusimbura we, ibi binyuranyije n’Itegeko rya Kiliziya ko mu bakaridinali 120 bemewe hagomba kuba harimo abatarenga 40 batorerwa kuba Papa.

Ni ku nshuro ya gatatu ashyizeho abakaridinali kuva yatorwa muri 2013, nk’umushumba wa Kiliziya udakomoka ku mugabane w’u Burayi mu myaka 1300, akaba abashyiraho kugira ngo Kiliziya ifashe aho itaragera cyangwa ibice bitandukanye by’Isi, aho irimo gutotezwa.

Aha twavuga nko muri Centrafrique, Bangladesh, Papua New Guinea, Malaysia na Lesotho bagize umukaridinali bwa mbere mu mateka ku buyobozi bwa Papa Francis.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved