00:00:00 IGIHE NETWORK KN KINYARWANDA EN ENGLISH FR FRANCAIS

Gentil Misigaro yibarutse ubuheta (Amafoto)

Yanditswe na Ishimwe Israel
Kuya 16 Kanama 2021 saa 10:35
Yasuwe :
0 0

Umuhanzi ufite igikundiro mu muziki uhimbaza Imana, Gentil Misigaro na Mugiraneza Rhoda bibarutse ubuheta nyuma y’imyaka ibiri barushinze, bakemeranya kubana akaramata.

Inkuru yo kwibaruka k’uyu muryango yamenyekanye ku mugoroba wo kuri uyu wa Mbere, tariki ya 16 Kanama 2021.

Mugiraneza Rhoda yibarukiye mu Bitaro bya Peace Arch Hospital biherereye mu Mujyi wa Vancouver muri Canada, mu gitondo cy’uyu munsi.

Misigaro abinyujije ku rukuta rwe rwa Instagram yasangije abamukurikira inkuru y’ibyishimo yo kwibaruka ubuheta bwe.

Yagize ati “Iyo ategetse biratungana. Twishimiye guha ikaze umwana wacu wa kabiri mu muryango.’’

Aya magambo yifashishije ari mu ndirimbo ye “Biratungana” iri mu zakunzwe cyane ndetse zikamuzamurira igikundiro mu ruhando rw’abakora umuziki uhimbaza Imana. Iyi ndirimbo mu mwaka ushize yanashyizwe mu Giswahili yitwa ‘Vinakamilika’.

IGIHE yamenye ko uyu muryango wibarutse umwana w’umuhungu, ndetse yahise ahabwa izina rya Misigaro Asaph.

Uyu mwana ni uwa kabiri wa Misigaro na Mugiraneza barushinze tariki 16 Werurwe 2019, mu bukwe bwabereye mu Mujyi wa Kigali. Imfura yabo yitwa Misigaro Abraham, yabonye izuba ku wa 4 Nzeri 2020.

Gentil Misigaro ari mu bamaze gushinga imizi mu bahanzi bakorera umuziki uhimbaza Imana hanze y’u Rwanda. Yamenyekanye mu ndirimbo zitandukanye zahembuye benshi zirimo ‘‘Biratungana’’, ‘‘Hari imbaraga’’, ‘‘Buri munsi’’, ‘‘Umbereye maso’’, ‘‘Turning everything around in my favour’’ n’izindi.

-  Reba hano indirimbo “Biratungana” iri mu za Misigaro zakunzwe cyane

-  Yanashyizwe mu Giswahili

Gentil Misigaro na Mugiraneza Rhoda bibarutse ubuheta nyuma y’imyaka ibiri barushinze
Gentil Misigaro yari afite akanyamuneza nyuma yo gukikira umwana we wa kabiri
Mugiraneza Rhoda yibarukiye mu Bitaro bya Peace Arch i Vancouver muri Canada
Aba bombi bari bamaze iminsi mike bateguje ko bagiye kwibaruka umwana wa kabiri
Mugiraneza Rhoda ubu ni umubyeyi w'abana babiri b'abahungu
Gentil Misigaro yavuze ko ari umugisha ukomeye yagize kuba yibarutse umwana wa kabiri
Misigaro na Mugiraneza barushinze ku wa 16 Werurwe 2019, ibirori byabereye mu Mujyi wa Kigali
Mugiraneza Rhoda yibarutse umwana wa kabiri, ahita amwita Misigaro Asaph. Abana be bombi bahawe amazina ya se, akurikirwa n'andi afite igisobanuro muri Bibiliya
Imfura ya Gentil Misigaro na Mugiraneza Rhoda yitwa Misigaro Abraham

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .