Papa Francis yashyizeho Abakaridinali bashya bashobora kuzavamo uzamusimbura

Yanditswe na Kanamugire Emmanuel
Kuya 20 Ugushyingo 2016 saa 09:22
Yasuwe :
0 0

Papa Francis yashyizeho abakaridinali bashya 17 bo mu Idini ya Kiliziya gatolika baturutse mu bihugu bitandukanye byo ku Isi, bakazaba aribo bahitamo ushobora kuzamusimbura ubwo azaba ashoje ubutumwa bwe.

Abakaridinali batowe baturuka mu bihugu bya Repubulika ya Centrafrique , Bangladesh, Papua , Guinea na Mauritius,Ubutaliyani, Leta Zunze Ubumwe za Amerika USA, Espagne, Brasil, Ububiligi, Venezuela, Lesotho , Malayisia, na Albania ;bose baturuka mu migabane itanu hakabamo n’intumwa y’i Vatican muri Syria.

Nkuko BBC ibitangaza, umwe muri aba bakaridinali ni we uzatorerwa kuba Papa.
Gushyiraho abakaridinali ni imwe mu nshingano n’ububasha bya Papa dore ko bafatwa nk’ibikomangoma by’i Vatican. 13 mu bo Papa Francis yashyizeho, harimo abatagejeje ku myaka 80 bemerewe gutorwamo uzamusimbura igihe azaba yapfuye cyangwa yeguye.

Ni ubwa gatatu Papa Francis atoranyije Abakaridinali. Yakunze gukora uko ashoboye ashyiraho abatari abo ku mugabane w’u Burayi gusa.

Mu muhango wabaye ejo ku wa Gatandatu, yanenze bikomeye icyo yise, ‘Urwango ruri kurushaho gufata indi ntera mu bantu’ akebura abubaka inkuta, bakanubaka za bariyeri.

Yagize ati « Turi mu bihe ivangura, ubuhezanguni no kwigira ba nyamwigendaho ari byo abantu bafata nk’inzira nziza yo gukemura ibibazo byabo ».

Amazina y’Abakaridinali bashya

Mario Zenari, (ukomoka mu Butaliyani)
Dieudonne Nzapalainga, (Centrafrique)
Carlos Osoro Sierra (Espagne)
Sergio da Rocha (Brazil)
Blase J Cupich(USA)
Patrick D’Rozario(Bangladesh)
Baltazar Enrique Porras Cardozo(Venezuela)
Jozef De Kesel(u Bubiligi)
Maurice Piat(Mauritius)
Kevin Joseph Farrell(USA)
Carlos Aguiar Retes(Mexico)
John Ribat(Papua New Guinea)
Joseph William Tobin(USA)
Anthony Soter Fernandez(Malaysia)
Renato Corti (u Butaliyani)
Sebastian Koto Khoarai(Lesotho)
Na Ernest Simoni(Albania)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244