Kwamamaza

Imbaga y’abakirisitu ba ADEPR bateraniye hamwe bashima Imana mu giterane gikomeye

Yanditswe kuya 4-10-2016 saa 08:58' na Thamimu Hakizimana


Itorero rya Pantekote mu Rwanda, ADEPR, Paruwasi ya Gikondo ryakoze igiterane kigamije kwibutsa abayoboke baryo ibihe bibi banyuzemo no gushima Imana yabibakuyemo.

Iki giterane gifite insanganyamatsiko igira iti “Nibutse iminsi yanjye ya kera, ntekereza ibyo wakoze nkuramburira ibiganza”, cyabaye ku Cyumweru Tariki ya 2 Ukwakira 2016 ku Mudugudu wa Karugira muri Paruwasi ya Gikondo, mu Karere ka Kicukiro, aho cyitabiriwe n’imbaga y’abayoboke b’iri torero ndetse n’amakorali atandukanye.

Pasiteri Murwanashyaka Faustin, umushumba wa ADEPR Paruwasi ya Gikondo, yabwiye IGIHE ko bateguye iki giterane mu rwego rwo gushaka kubyutsa abayoboke babo kugira ngo bahindure amateka.

Yagize ati “ Ni igiterane cy’ububyutse twateguye, ni ukuvuga ko ari ikirebana n’iterambere ry’ubuzima bw’umwuka mu itorero ryacu rya ADEPR i Gikondo cyane dushaka no guhindura amateka.”

Yakomeje agira ati “ Mu by’ukuri ni ugushaka gushima Imana dutekereza ubuzima bw’iminsi mibi umuntu yagiye anyuramo kuko amateka yagiye aranga u Rwanda cyangwa ay’umuntu ku giti cye agaragaza ko hari ibihe bibi twagiye tunyuramo.”

Habanabakize Jean, umwe mu bakirisitu ba ADEPR Paruwasi Gikondo, avuga ko iki giterane cyamufashije kwibuka uburyo Imana yamukuye mu byaha akakira umwami Yesu Kirisitu.

Yagize ati “ Njye nibuka uko Imana yankuye mu byaha kuko mbere y’uko nakira agakiza nari umunyabyaha, ubu rero ndabyibuka kuko yankuye mu buzima no mu mibereho mibi.”

Yakomeje avuga ko iyo yibutse ibihe bibi Imana yamukuyemo, bikomeza kumuremamo ishimwe bikanamutera kugira ibyiringiro byo gukomeza kuyikorera mu minsi yose asigaje ku Isi.

Iki giterane kimaze iminsi 14 kuko cyatangiriye ku Mudugudu wa Kigarama ndetse biteganyijwe ko kizasorezwa ku Mudugudu wa Gashyekero muri uwo murenge wa Gikondo.

Cyari igiterane cyo gushimira Imana aho imaze kubageza
Bishimiye aho Imana yabakuye
Abakirisitu basazwe n'ibyishimo bamwe bararira
Pasiteri Murwanashyaka Faustin, Umushumba wa ADEPR Paruwasi ya Gikondo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved