Kwamamaza

Abanyamadini bigishije ibyiza,Isi yagira amahoro- Apotre Nkurunziza

Yanditswe kuya 13-09-2016 saa 10:53' na Ntakirutimana Deus


Umuyobozi w’Itorero Bethel Church mu Rwanda wagize uruhare mu gutegura igiterane cya “Harvest Africa Initiative Network”, ( Sarura Afurika), Apotre Nkurunziza François, asanga abayobozi b’amatorero bakwiye kuzuza inshingano zabo bikaba bimwe mu byatuma Afurika icikamo imvururu ziyirangwamo.

Rimwe abantu bumva ngo mu gihugu runaka habaye imvururu zavutse hagati y’abadahuje ukwemera. Ndetse uyu munsi intambara ikomeye iri kurwanywa ni iy’ibyihebe byitwikira amahame bivuga ko ari ay’idini ya Islam, bikagaba ibitero ku bihumbi by’abantu ku Isi bikabahitana.

Izo mvururu ariko ngo zishobora guhoshwa ndetse ntizongere kubaho mu gihe abayobozi b’amadini n’amatorero ku isi baba bubahirije inshingano zabo kandi bakabitoza n’abo bashinzwe.

Umuyobozi w’Itorero Bethel Church mu Rwanda, Nkurunziza yagize Ati “ Amadini yujuje inshingano zayo zo kwigisha ijambo ry’Imana, akazishyira mu bikorwa, abayobozi bayo bagashyira hamwe, akigisha abaturage ibyiza,Isi yagira amahoro n’iterambere.”

Nkurunziza yakomeje avuga ko Isi ikomeje guhura n’ibibazo by’abitwikira izina ry’amadini n’amatorero bagakora ibikorwa by’iterabwoba bitari bikwiye.

Ku bijyanye na Afurika, ngo usanga ari umugabane ufite amahirwe menshi arimo umutungo kamere mwinshi ndetse n’urubyiruko rwinshi ku buryo byitaweho byawufasha gutera imbere. Mu myemerere ye ngo abona uyu mugabane uzashyira ugatera imbere ku bw’amasengesho uretse gukomeza kugaragara nk’uwavumwe nk’uko bamwe bakunze kubivuga.

Ati “ Iyo mvugo iraza guhinduka ku bw’amasengesho, urubyiruko ni imbaraga , iyo rufite ingandagaciro nzima rubasha guhindura ibintu.Afurika Imana izayihindura umugabane ukize kuko yayihaye umutungo uhambaye.”

Igikorwa cyiswe “Harvest Africa” gihuza abakozi b’Imana ku rwego rw’ubuyobozi baturutse mu matorero anyuranye yo mu bihugu bitandukanye byo muri Afurika.

Uru ngo ni urubuga rutuma habaho guhuza ubumenyi hagati yabo kugira ngo basubire mu bihugu byabo bubakitse ndetse banahinduwe bashya mu iyerekwa by’umwihariko bagende bamamaze ubutumwa bwiza mu mahanga yose (Matayo 28:19-20).

Ni ihuriro rigamije kwigira hamwe uburyo hagaruzwa umurage Afurika yatakaje mu gihe cy’ubukoloni n’ubucakara no kuzana imbaraga z’Imana zihindura imitekerereze y’Umunyafurika kugira ngo abashe kwigira anamenye Kirisito dore ko Afurika na yo imaze kugarizwa n’ibibazo by’urusobe.

Yosobanuye ko iki ari igikorwa gihuza Afurika yose kizanigirwamo uburyo yakwishakamo ibisubizo by’ibibazo biyugarije, ngo nta Leta n’imwe cyangwa igihugu na kimwe cyabatumye kubikora, ahubwo ngo ni ku bw’iyerekwa bagize rigamije «guhindura imitekerereze y’Umunyafurika» kubera ko ngo ‘Iyo umuntu aboshye mu mutwe (mu mitekerereze) aba aboshye no mu Mwuka’.

Iki giterane cyatangiye tariki ya 12 kikazageza ku wa 19 Nzeri 2016. Cyatangiye abacyitabiriye basura urwibutso rwa Jenoside rwa Kigali ku Gisozi. Ibikorwa byacyo kandi byakomereje ku itorero rya Bethel i Remera ariko kuva tariki ya 17-19 kizimukira i Remera kuri Petit Stade ndetse no hirya no hino mu gihugu hakazabera ibiterane bizajya biba biyobowe n’abo bakozi b’Imana.

Aha hazaba hari abakozi b’Imana bagera kuri 70 bayoboye amatorero atandukanye bazaba baturutse mu bihugu bimwe bya Afurika no hanze yayo, bakazigisha ijambo rikiza imitima ndetse bakanasengera abarwayi ku buryo benshi bazahabohokera nk’uko byagenze ku nshuro yacyo ya mbere mu 2015.

Apotre Nkurunziza Francois uyobora itorero Bethel mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved