Umunyarwenya Mamane wamamaye muri Afurika agiye gutaramira mu Rwanda

Yanditswe na Muvunyi Arsène
Kuya 29 Nyakanga 2019 saa 02:56
Yasuwe :
0 0

Umunyarwenya Mamane ukomoka muri Niger, yatangaje ko afite gahunda yo gutaramira mu Rwanda mu rwego rwo kwagurira ubuhanzi bwe no bihugu bivuga Icyongereza.

Uyu mugabo w’imyaka 52 azwi cyane n’abantu bo mu bihugu bikoresha ururimi rw’Igifaransa. Yamenyekanye kubera ikiganiro gisekeje cyitwa “La République très très démocratique du Gondwana” cyanakozweho filime yitwa Bienvenue au Gondwana yasohotse mu 2016. Afite ikindi kuri RFI cyitwa Chronique de Mamane.

Asanzwe ategura iserukiramuco ry’urwenya ribera muri Côte d’Ivoire ryitwa “Abidjan Capitale du Rire” ndetse azwi cyane mu kiganiro cy’urwenya gica kuri Canal Plus cyitwa “Parlement du Rire”.

AFP yanditse ko Mamane agiye gutangiza ishuri rizajya ryigisha ibijyanye no gukina ikinamico n’urwenya hagamijwe guhanga imirimo binyuze mu mpano.

N’ubwo amaze kuba icyamamare mu bihugu bivuga Igifaransa, hari abatamuzi kuko batumva uru rurimi, ari nayo mpamvu ateganya gukorera ibitaramo mu bihugu bivuga Icyongereza birimo n’u Rwanda kugira ngo naho babumenye.

Ati “Ndi gutegura igitaramo cy’indimi ebyiri mfatanyije n’abanyarwenya bo mu bihugu bivuga Icyongereza birimo Nigeria, Cameroun n’u Rwanda mu Ukwakira. Ntabwo ndakinira urwenya mu bihugu bivuga Icyongereza, ubu niho ngiye kwerekeza.”

Nta bindi bisobanura birenze Mamane yatanze kuri ibyo bitaramo bye bizagera no mu Rwanda.

Uyu munyarwenya wavutse mu mugabo wari umudipolomate wa Niger, ubwo yajyaga kwiga icyiciro cya gatatu cya Kaminuza mu Bufaransa nibwo yatangiye kwigaragaza.

Asanzwe akorana n’abanyarwenya bo mu Rwanda barimo Hervé Kimenyi na Michael Sengazi.

Mamane ateganya gukorera mu Rwanda igitaramo cy'urwenya
Uyu munyarwenya afite ikiganiro Chronique de Mamane gica kuri RFI

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza