U Rwanda rwashimwe mu gitaramo cya Salvador

Yanditswe na

Kalinda Brendah

Kuya 18 Mutarama 2016 saa 02:42
Yasuwe :
0 0

Byari ibitwenge bikomeye mu gitaramo umunyarwenya w’Umunya-Uganda Patrick Idringi [Salvador] yakoreye i Kigali mu mpera z’icyumweru gishize.

Ubwitabire bw’igitaramo ntibwari ku kigero cyo hejuru ariko abacyitabiriye ariko basekaga umunota ku wundi kuri buri jambo Salvador yavugaga.

Ku rubyiniro, Salvador yigaragaje nk’umunyarwenya ubimazemo igihe. Menshi mu magambo yakoresheje, yateraga urwenya avuga ku mukino wahuje u Rwanda na Cote d’Ivoire mu irushanwa rya CHAN. Yashimye bikomeye u Rwanda ku ntsinzi rwabonye ndetse ngo hari byinshi rwagezeho byo kwishimira.

Uyu munyarwenya waherukaga mu Rwanda mu 2013, yavuze ku buranga bw bw’Abanyarwandakazi ashimangira ko ari bamwe mu bakobwa bafite umwihariko ku Isi.

Yagize ati, “U Rwanda rufite abakobwa beza bafite uburanga kandi bakunda n’umuco wabo.”

Salvador yibanze cyane ku bwiza bw’Abanyarwandakazi, isuku y’Umujyi wa Kigali ndetse n’iterambere ryihuse u Rwanda rumaze kugeraho.

Uyu munyarwenya yanagarutse ku gushimagiza ikipe y’igihugu Amavubi yatsinze Cote d’Ivoire mu mukino wa mbere wa CHAN.

Byari bigoye kubona umuntu ufite isura yijimye mu bitabiriye iki gitaramo cyabereye kuri Hotel ya Villa Portofino, wabonaga buri wese aCYeye ku maso, afite akanyamuneza, aseka ndetse ubona yaryohewe n’inzenya za Salvador ku buryo bamwe batashye ubona batabishaka.

Salvador, umunyarwenya ukomeye muri Uganda yataramiye i Kigali

Mbere gato yo gusoza igitaramo cye cyamaze isaha imwe n’igice, Salvador yavuze ko yishimira u Rwanda ndetse anashimira byimazeyo Perezida Kagame wazamuye imibereho y’abaturage.

Alex Muhangi wo muri Uganda na we yari muri iki gitaramo, we yibanze cyane ku rwenya ruvuga ku byo mu muco wa Uganda, Kenya no mu bihugu bihana imbibi n’igihugu cye.

Salvador yaherukaga i Kigali muri Kanama 2013, ubwo yari yazananye n’abandi banyarwenya bo muri Afurika y’i Burasirazuba.

Alex Muhangi wo muri Uganda na we yari ahari
Mu gitaramo cya Salvador cyabereye i Nyarutarama
Bakurikiranye urwenya rwa Salvador bicaye ku mazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza