Twisekere: Umugore arambwiye ngo simve aha!

Yanditswe na

Bukuru J.C

Kuya 6 Werurwe 2015 saa 10:24
Yasuwe :
0 0

Urwenya

1. Pasiteri yashatse kureba abagabo badategekwa n’abagore babo, kuko umugabo ari we ugomba kuba umuyobozi w’urugo nk’uko Imana yamuremye.

Yabwiye abagabo bari baje gusenga ati "Umugabo wese uzi ko ategekwa n’umugore nahaguruke ajye kwicara muri kiriya gihande kitarimo abantu!”

Abagabo bose barahaguruka bajya muri cya gihande, hasigara umugabo umwe wari wicaranye n’umugore we!

Pasiteri aramubaza ati "Wowe ubigenza ute? Gira abandi inama!"

Wa mugabo na we ati "Umugore arambwiye ngo simve aha!’"

2. Mwalimu yabajije abanyeshuri ati “ Iso agujije amafaranga ibihumbi 45 akiyemeza kuzajya yishyura 15000frw buri kwezi, ubwo yazayishura mu mezi angahe?”

Umwana umwe azamura urutoki ati “ Ndumva yazayishyura mu myaka 25.
Mwarimu yahise amukubita urushyi ati “ Wa muswa we iyo myaka uyikuye he?”

Umwana arasubiza ati "Papa arambura cyane n’iyo myaka mvuze ni mike…”

3. Umupolisi yahagaritse imodoka kugira ngo arebe ko yujuje ibisabwa, amaze kwaka shoferi ibyangombwa, Joriji aturuka hirya aza yuhanya kuko yari aziranye na shoferi.

Mu ijwi riranguruye Joriji asuhuza nyiri imodoka ati “Muraho neza nyakubahwa Muyobozi, mu byubahiro byanyu ndabasuhuje.”

Umupolisi abyumvise asubiza umushoferi ibyangombwa bye, ati “Mumbabarire nshobora kuba nabiciye gahunda, mugire urugendo ruhire.”

Amaze kugenda umupolisi abaza Joriji ati “Ese uriya muyobozi ayobora akahe karere? Joriji ati Reka daaa, uriya ni ‘Admin’ wa ‘group’ yacu kuri whatsapp!”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza