Trezzo Mahoro akomeje guhirwa na filime ica kuri Netflix agiye kongera kugaragaramo

Yanditswe na Uwiduhaye Theos
Kuya 7 Gashyantare 2021 saa 01:39
Yasuwe :
0 0

Trezzo Mahoro uri mu bagezweho ku Isi yose muri filime ica kuri Netflix igiye kongera kujya hanze ku gice cya gatatu , akomeje kurya ku mbuto z’ibyishimo byashibutse kuri iyi filime ikundwa na benshi.

Uyu musore yagaragaye muri ‘To All the Boys: Always and Forever’, iyi ikaba ari iya gatatu mu ruhererekane rwa filime yitwa ‘To All the Boys I’ve Loved Before’ yagiye hanze muri 2018, umwaka ushize igakurikirwa n’igice cyayo cya kabiri cyiswe ‘To All the Boys: P.S. I Still Love You’ ari nabwo Trezzo Mahoro yatangiye kuyigaragaramo.

Iyi filime Mahoro akinamo ica kuri Netflix aho yitwa Lucas.‘To All the Boys I’ve Loved Before’ yanditswe ikomowe ku gitabo cy’umwanditsi w’Umunyamerika witwa Jenny Han, yayobowe na Michael Fimognari yandikwa na Sofia Alvarez na J. Mills Goodloe.

Ivuga ku nkuru y’umukobwa wagiye akunda abahungu bagiye bahura mu bihe bitandukanye, akajya abandikira amabaruwa noneho rimwe murumuna we akaza kuyafata ayoherereza ba bahungu batanu baba barakundanye na we.

Umwe muri bo aza kumubwira ngo bakundane ariko ari ukubeshya bagira ngo batere ishyari umukobwa baba basanzwe bakundana uba wamwanze, agace ka mbere karangira aba bombi baratangiye gukundana bya nyabyo.

Mu gace ka kabiri barakomeza bagakundana ariko hakaza undi muhungu bari baroherereje ibaruwa akanamusubiza nyuma bakaza guhurira ahantu bakagerageza gukundana ariko umukobwa akaza gusanga bitakunda.

Trezzo Mahoro[Lucas] aba ari umwe mu nshuti z’uyu mukobwa ubusanzwe witwa Lana Condor uba akinamo yitwa Lara Jean, aba ari mu bo yigeze gukunda ndetse akanamwandikira ariko Lucas akamwanga kuko aba ari umutinganyi.

Biteganyijwe ko igice cya gatatu cy’iyi filime ari nacyo cya nyuma kizajya hanze ku wa 12 Gashyantare 2021, kigashyirwa kuri Netflix.

Trezzo Mahoro yavukiye mu Rwanda gusa aba muri Vancouver, muri Canada. Yatangiye kwiyumvamo ibyo gukina filime ari mu mwaka wa nyuma w’amashuri yisumbuye.

Yamamaye muri filime zitandukanye zirimo "The Magicians" yakinnyemo yitwa Ralphie, “The X-Files” yakinnyemo yitwa Crewman ya Fox na “iZombie” yakinnyemo yitwa Darius. Trezzo Mahoro afite imyaka 24.

Ian Condor agaragara muri iyi filime akundana n'uyu musore
Trezzo Mahoro ari mu bari kwitwara neza muri iyi sinema
Trezzo Mahoro Lucas na Lala Jean ukina muri iyi filime ari umukinnyi w'Imena

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .