00:00:00 IGIHE NETWORK KN KINYARWANDA EN ENGLISH FR FRANCAIS

Season ya kabiri ya Squid Game iri mu nzira

Yanditswe na Uwiduhaye Theos
Kuya 10 Ugushyingo 2021 saa 01:54
Yasuwe :
0 0

Umwanditsi wa filime ya ‘Squid Game’ iri mu zakunzwe cyane ku Isi ku rubuga rwa Netflix, yatangaje ko igice cya kabiri (season) cy’iyi filime kiri mu nzira ku buryo mu minsi iri imbere kizajya hanze.

Hwang Dong-hyuk wahanze iyi filime yatangarije Associated Press ko nyuma yo kujya hanze kw’iyi filime bagiye ku gitutu ndetse ubu bari guteganya gushyira hanze ikindi gice cyayo.

Ati “Hari igitutu cyinshi, abantu badusabaga byinshi ndetse hari urukundo rwinshi abantu bafitiye igice cya kabiri. Navuga ko hazabaho igice cya kabiri. Biri mu mutwe wanjye. Ndi gutegura uburyo kizakorwamo ubu.”

Yakomeje avuga ko byaba ari kare cyane kuvuga byinshi ndetse na Netflix itambutsa iyi filime ntabwo irashyira hanze itangazo ryemeza ko ‘season’ ya kabiri y’iyi filime izajya hanze.

Hwang Dong-hyuk yavuze Lee Jung-jae ukina ari Seong Gi-hun azagaruka n’ubundi ariwe mukinnyi w’imena kandi agakora byinshi bitangaje.

Ati “Ntekereza ko byaba ari kare cyane kuvuga byinshi ku gihe izajya hanze cyangwa ibizabamo. Gusa, nabasezeranya ibi Gi-hun azagaruka. Azakorera ikintu isi.”

‘Squid Game’ yarakunzwe cyane kuva yajya hanze muri Nzeri uyu mwaka ndetse imaze kurebwa na miliyoni zirenga 100 ku Isi yose , ibintu byatumye yandika amateka kuri Netflix. Imaze kurebwa iminota irenga miliyari eshatu.

Ivuga ku bantu 456 bafite amadeni menshi bashaka kwishyura bajyanwa mu gace batazi.

Batangira gukina imikino itandukanye utsinzwe bakamwica. Aba bakinnyi baba barinzwe n’abantu bambaye mask mu maso ku buryo umuntu atamenya amasura yabo. ‘Squid Game’ yanditswe na Hwang Dong-hyuk guhera mu 2008 aba ari nawe uyiyobora.

Iyi filime kuva yajya hanze yabaye iya mbere mu bihugu 94 ku Isi yose ndetse yabaye iya mbere yo muri Koreya y’Epfo yarebwe cyane muri Amerika.

Squid Game yasize inkuru ikomeye ku Isi yose
Hwang Dong-hyuk wahanze 'Squid Game' yemeje ko hari ikindi gice

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .