Impinduka mu iserukiramuco Mashariki 2019

Yanditswe na Uwiduhaye Theos
Kuya 16 Ukwakira 2018 saa 03:36
Yasuwe :
0 0

Iserukiramuco ‘Mashariki African Film Festival’ rigiye kuba ku nshuro ya Gatanu rizanye impinduka zirimo no kongera ibyiciro by’abahatana.

Mashariki African Film Festival igamije guteza imbere sinema ya Afurika n’inkuru z’Abanyafurika ubwabo ari nazo zerekanwa cyane kurusha izo mu bindi bihugu. Izakorewe hanze ya Afurika zerekanwa muri iri serukiramuco ni izikubiyemo inkuru zivuga kuri Afurika gusa.

Mu gihe cy’icyumweru iri serukiramuco rimara habaho ibikorwa bitandukanye birimo guhugura abakora sinema, kwerekana filimi, ibiganiro ku iterambere rya sinema ndetse ku munsi wa nyuma filime zahize izindi zigahabwa ibihembo.

Mazimpaka Jones Kennedy ushinzwe itumanaho mu gutegura iserukiramuco Mashariki, yabwiye IGIHE ko iry’uyu rifite impinduka zitandukanye.

Ati “Mashariki igiye kuba ku nshuro ya gatanu. Ifite umwihariko wo kuba harimo ibyiciro byinshi ugereranije n’indi myaka ndetse n’ibihembo bikaba byiyongereye bikagera kuri 11.”

Harimo n’icyiciro cyihariye cyo guhemba filimi yakozwe n’Umunyarwanda y’umwimerere (itarashishuwe).

Mu byiciro byari bisanzwe hiyongereyemo ‘Best East African Documentary, Best Rwandan short Fiction.

Harimo kandi icyiciro cy’Iziwacu Films kigenewe sinema nyarwanda, kikazahembwamo; Best Feature Film, Best Actor, Best Actress, Best Original Screenplay

Mazimpaka avuga ko bahamagararira abantu hirya no hino muri Afurika bafite filime zakozwe hagati ya 2017-2018 ndetse n’izishobora kuzasohoka mu 2019 kwiyandikisha bagapima amahirwe yabo.

Atangaza ko ‘abashaka kwiyandikisha bakwiriye kuzana filime zabo kare kugira ngo n’abazaza batugana nabo bazaze basanga twateguye ibintu byiza kuko tutifuza ko Mashariki yagarukira muri Afurika’.

Akangurira abanyarwanda bafite filime kwitabira ntibagire ubwoba kubera ko iki gikorwa kizaba kirimo n’izindi zo mu mahanga.

Mashariki African Film Festival 2019 ifite insanganyamatsiko yo kwifashisha Sinema mu kuzana umucyo mu bumuntu.

Filime zitazemererwa guhatana n’izizaba zarigeze guhatana mu yindi myaka yabanje muri iri serukiramuco.

Kwiyandikisha muri Mashariki African Festival 2019, byatangiye kuwa 11 Ukwakira bikazasozwa kuwa 31 Mutarama 2019. Igikorwa cyo gutanga ibihembo no kwerekana filime kizaba hagati ya 24-31 Werurwe 2019.

Ushaka kwiyandikisha no kumenya ibyiciro byemerewe guhatanira ibihembo wajya kuri uru rubuga http://www.maaff.net/submission-2019/ cyangwa ukohereza E-mail kuri [email protected] .

Mazimpaka John Kennedy aramagarira abantu bose bujuje ibisabwa kwitabira iri serukiramuco
Ibihembo bitangwa muri Mashariki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza