00:00:00 IGIHE NETWORK KN KINYARWANDA EN ENGLISH FR FRANCAIS

Igice cya nyuma cya La Casa de Papel kigiye kujya hanze

Yanditswe na Mukahirwa Diane
Kuya 6 Ugushyingo 2021 saa 05:11
Yasuwe :
0 0

Netflix yashyize hanze incamake z’ibizagaragara mu gice gikurikira cya filimi yakunzwe n’abatari bacye ya La Casa de Papel cyangwa Money Heist izasohoka tariki ya 3 Ukuboza 2021.

Igice cyabanje cyarangiye abakunzi bayo batishimye kuko umwe mu bakinnyi bakunzwe cyane witwa Tokyo yari amaze kuraswa.

Igice gishya gitangira ibisambo byari bimaze amasaha 100 muri Banki ya Espagne byaguye mu kantu nyuma y’urupfu rwa Tokyo n’amasasu y’abarwanyi bari babinjiranye ataboroheye.

Muri iyi nteguza kandi hagaragara Professor yafashwe na Sierra asa n’udafite umupango wo kumucika, ku rundi ruhande muri banki ibisambo nabyo ntibiba byorohewe kuko polisi iba yabyinjiranye imirwano irimbanyije.

Binyuze ku mbuga nkoranyambaga za La Casa de Papel batangaje ko iki gice aricyo cya nyuma cy’iyi filime kandi kizaca kuri Netflix gusa.

La Casa de Papel ni imwe muri filime zakunzwe cyane nyamara yatangiye idashamaje ica kuri Televiziyo yitwa Antena 3 yo muri Espagne igizwe n’uduce 15 twanditswe na Álex Pina.

Yaje kwamamara mu 2017 ubwo Netflix yabonaga uburenganzira bwo kuyerekana ku Isi yose, igice cya mbere cyerekanwa kuva mu Ukuboza 2017, icya kabiri muri Mata 2018 n’icya Gatatu kuva muri Nyakanga 2019. Igice cyayo cya kane cyagiye hanze muri Mata 2020.

Ni filime ikundwa cyane n’abaryoherwa no kureba filime zirimo imirwano (Action) kandi zifite inkuru zikomeye, igaruka ku itsinda ry’amabandi umunani, agenda yiha amazina agendeye ku mijyi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .