00:00:00 IGIHE NETWORK KN KINYARWANDA EN ENGLISH FR FRANCAIS

Feruje agiye gusohora filimi igaruka ku mvune z’abahanzi

Yanditswe na Mukahirwa Diane
Kuya 9 Ugushyingo 2021 saa 10:30
Yasuwe :
0 0

Umwanditsi akaba n’umukinnyi wa filimi, Nahimana Clémence wamamaye mu rwenya nka Feruje agiye gusohora filimi yise ‘I Bwiza Series’, igaruka ku buzima abahanzi babamo nyuma yo guhanga ariko icyo bakurami iyanga.

Iyi ni filimi izaba igaruka ku nkuru y’umukobwa w’umunyabugeni Gatoni Maya ubona imvune z’abahanzi bakizamuka aho usanga bahora mu bukene nyamara ibyiza bakora bigirira umumaro abandi.

Nyuma yo kubona imvune, Gatoni yiyemeza kurwana urugamba rwo kugira ngo abahanzi batungwe n’ibyo bakora. Muri uru rugamba ahuriramo na byinshi kuko aba ahanganye n’umukire Myasiro Jean.

I Bwiza yakozwe biturutse ku mushinga wa ArtRwanda-Ubuhanzi watangijwe hagamijwe ‘ kuzahura Icyiciro cy’Inganda Ndangamuco’.

Ubwo hasogorwaga incamake y’iyi filimi , mu kiganiro yagiranye n’itangazamakuru, Feruje yavuze ko amaze imyaka ibiri ayikoraho ariko yahereye kera ayitekerezaho biturutse ku mvune yagize agitangira ubuhanzi.

Yagize ati “Iyi nkuru nari maze igihe nyifite ku mutima kuko ni ikintu nabonaga kandi najye ndi umuhanzi. Narabibonye kugira ngo ngere aho ngeze hari imbaraga nyinshi nakoresheje. Byankoze ku mutima ndavuga ngo nzakoraho ikintu.”

Iyi filime igaragaramo abakinnyi bafite filimi bakinnyemo ariko amazina yabo ntamenyekanye cyane.

Yagize ati “Ntabwo nakinnye muri iyi filimi kuko hari n’abandi bavuga nkanjye bagombaga kugaragara, nashatse kuzamura izi mpano nazo kugira ngo zimenyekane.”

I Bwiza yanditswe na Feruje itunganywa Double C studio. Biteganyijwe ko izajya hanze mu Ukuboza 2021. Umuhanzi wayo ayitezaho gutanga umusaruro ku bayireba ndetse no kuzamura uruganda rwa Sinema mu Rwanda kuko izajyanwa mu maserukiramuco atandukanye ku Isi.

Nahimana asanzwe amenyerewe muri sinema Nyarwanda nka Mama Alphonsine muri filimi Umuturanyi, akaba ari n’umwanditsi w’ikinamico Musekeweya.

Feruje yavuze ko iyi filimi amaze imyaka ibiri ayikoraho ariko yahereye cyera ayitekerezaho biturutse ku mvune yagize agitangira ubuhanzi bwe
Iyi filimi igaruka ku mvune abahanzi bahura nazo ntihagire icyo bunguka
Iyi filimi yatunganyijwe n abazobereye muri aka kazi
Mu gutoranya abakinnyi hibanzwe ku kureba abafite impano batarazamuka
Uwayoboye filimi I Bwiza yavuze ko ikozwe mu buryo izaba ifite itandukaniro n izimenyerewe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .