Kwamamaza

Century Cinema yongeye gufungura imiryango yerekana filime zikunzwe

Yanditswe kuya 29-10-2016 saa 10:39' na IGIHE


Nyuma y’igihe kitari gito inzu yerekana sinema izwi nka Century Cinema ihagaritse ibikorwa byayo kugira ngo ibashe gutunganya ibijyanye n’ikoranabuhanga ndetse no kuzana udushya mu kwerekana sinema mu buryo bukataje, ubu yongeye gufungura imiryango.

Ku wa 21 Ukwakira 2016 nibwo yongeye gutangirana na filime “Deep water Horizon” yerekanwe mu mbaraga z’amashusho ya 3D aho ubona ikintu nk’aho kikwegereye neza.

Ubu filime igezweho ni iyitwa "The Accountant" yakinwe na Ben Afleck ndetse ikaba imaze icyumweru gusa isohotse ku Isi yose.

Iyi filime y’Abanyamerika yanditswe na Bill Dubuque, iyoborwa na Gavin O’Connor mu gihe abakinnyi b’imena bayigaragayemo barimo Ben Affleck, Anna Kendrick, J. K. Simmons, Jon Bernthal, Jeffrey Tambor na John Lithgow.

Si iyi filime gusa, kuko Century Cinema yakomeje kwerekana n’izindi filime mu cyumweru cya mbere zirimo Suicide Squad, Sully, Queen of Katwe, Trolls ndetse na Miss Pregrine’s Home of Peculiar Children na zo zikunzwe cyane.

Christian Wolff wakinnye muri iyi filime yitwa Ben Affleck, ni umuhanga mu by’imibare. Agaragara nk’umucungamari akorera bimwe mu bigo ruharwa mu byaha ndengakamere.

Ishami rishinzwe gukurikirana ibyaha bijyanye n’imicungire y’amafaranga riyobowe na Ray King (J.K. Simmons), ryatangiye gukurikirana Christian, wari uzwi ku izina rya The Accountant.

King yashatse abantu bafatanya gukora iperereza barimo Anna Kendrick mu kugaragaza miliyoni z’amadorali yakoresheje nabi.

Iyi filime yarangije gukorwa itwaye miliyoni 44 z’amadorali ya Amerika imaze kwinjiza miliyoni 63.7 ku Isi yose.

Century Cinema ikorera mu nyubako ya Kigali City Tower mu Mujyi wa Kigali rwagati.

Ukeneye ibindi bisobanuro wasura urubuga rwa Century Cinema ari rwo www.centurycinemas.rw cyangwa urukuta rwabo rwa Facebook ari rwo www.facebook.com/centurycinemas


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved