Kwamamaza

Arasaba ijwi ryawe ngo aheshe ishema Urwamwibarutse

Yanditswe kuya 15-02-2012 saa 14:37' na Karirima A. Ngarambe


Black Omega ni Umunyarwanda uri mu marushanwa abiri mpuzamahanga mu muziki w’injyana ya Reggae, bise "Benelux Reggae Contest 2012" na "Rototom Reggae Contest 2012". Arasaba ijwi ryawe ngo abashe kwegukana intsinzi bityo n’ibendera ry’u Rwanda rizamurwe imbere y’ibindi bihugu.
Aya marushanwa ageze mu gice cy’amatora bicishijwe kuri internet bakoreshje amatora rusange (Vote Publique cyangwa Online selection).
Ku marushanwa ya Rototom Reggae Contest; isi yose yemerewe gutora kugeza ku itariki ya (...)

Black Omega ni Umunyarwanda uri mu marushanwa abiri mpuzamahanga mu muziki w’injyana ya Reggae, bise "Benelux Reggae Contest 2012" na "Rototom Reggae Contest 2012". Arasaba ijwi ryawe ngo abashe kwegukana intsinzi bityo n’ibendera ry’u Rwanda rizamurwe imbere y’ibindi bihugu.

Aya marushanwa ageze mu gice cy’amatora bicishijwe kuri internet bakoreshje amatora rusange (Vote Publique cyangwa Online selection).

Ku marushanwa ya Rototom Reggae Contest; isi yose yemerewe gutora kugeza ku itariki ya 20 Gashyantare 2012. Naho Benelux Reggae Contest yo ikazageza tariki ya 11 Werurwe 2012.

Uyu muhanzi akaba asaba inkunga yo gushyigikirwa ngo intsinzi itahe iwabo, dore ko kumutora byoroshye kuko aho umuntu ari hose ku isi yamutora.

By’umwihariko arasaba abari mu Rwanda no muri Diaspora ku isi hose kumutora ari benshi kugira ngo abone amajwi menshi yatuma abasha gutsinda mu matsinda atatu ya mbere azapiganirwa umwanya wa mbere (the winner).

Black Omega avuga ko kuba ageze muri 1/2 cy’amarushanwa nabyo ari intsinzi ku Banyarwanda ndetse n’abakunzi be, byongeye ngo birerekana ko injyana ya Reggae yo mu karere k’Ibiyaga Bigari irimo kugenda itera imbere; uretse kuba ari ishema ry’igihugu cye ngo ni n’ishema ry’Afurika yose muri rusange.

Dore imirongo ya internet mwakoresha mumutora:

- ROTOTOM REGGAE CONTEST EUROPE 2012

http://www.reggaecontest.eu/bands/blackomegatheteam

- BENELUX REGGAE CONTEST 2012:

http://www.beneluxreggaecontest.eu

Uwashaka kumenya ibirushijeho yarebera kuri website ye hano:

http://www.blackomega.nl

Black Omega ni muntu ki ?

Black Omega ni umuhanzi w’Umunyarwanda utuye mu gihugu cy’ u Buholandi. Yavukiye mu gihugu cy’u Burundi aho ababyeyi be baragiye ari impunzi ku bw’amateka yaranze u Rwanda; yarahakuriye ndetse ni naho azwi cyane mu mwuga we w’ubuhanzi.

Azwi mu ndirimbo zitandukanye nka ’Hahirwa abaremesha amahoro’, n’izindi; yageze mu Burayi akomeza umwuga we wo kuririmba no gukundisha abanyamahanga injyana ye ya Reggae-nyafurika. Arateganya kandi kuzaza mu gihugu cye agataramira Abanyarwanda ngo abashe kubamurikira ku mugaragaro ibihangano bye.

Karirima A. Ngarambe, Correspondant IGIHE.com-Belgique


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Sunday 24 July 2016
Copyright © 2009 -2014 - IGIHE Ltd - All Rights Reserved