Knowless agiye gukura urujijo mu bamwitiranya

Yanditswe na

Vénuste Kamanzi

Kuya 31 Ukwakira 2012 saa 01:28
Yasuwe :
0 0

Umuhanzi w’Umunyarwandakazi Butera Jeanne d’Arc uzwi ku izina rya Konowless, avuga ko abantu benshi batamuzi kandi bamwitiranya ariko yemeza ko umuntu wese uzatega amatwi neza umuzingo we (Album) wa kabiri yise “Uwo Ndi we” agiye kumurika azamenya neza uwo ari we.
Mu kiganiro na IGIHE, Knowless yadutangarije ko yari amaze iminsi ahugiye ku gutegura album ye ya kabiri, izajya ku isoko tariki ya 10 Ukuboza 2012 iriho indirimbo 10 z’amajwi (audio) n’amashusho yazo (clip video), nta gihindutse iyi (...)

Umuhanzi w’Umunyarwandakazi Butera Jeanne d’Arc uzwi ku izina rya Konowless, avuga ko abantu benshi batamuzi kandi bamwitiranya ariko yemeza ko umuntu wese uzatega amatwi neza umuzingo we (Album) wa kabiri yise “Uwo Ndi we” agiye kumurika azamenya neza uwo ari we.

Mu kiganiro na IGIHE, Knowless yadutangarije ko yari amaze iminsi ahugiye ku gutegura album ye ya kabiri, izajya ku isoko tariki ya 10 Ukuboza 2012 iriho indirimbo 10 z’amajwi (audio) n’amashusho yazo (clip video), nta gihindutse iyi album ikazajya ahagaragara tariki 16 Gashyantare 2013.

By’umwihariko ariko muri iyi album ye nshya, Knowless azasobanura byinshi ku buzima bwe.

Yagize ati ”Ni album iriho ibyiza byinshi, iriho indirimbo nyinshi bazakunda, mu by’ukuri nshaka kubwira abantu uwo Butera ari we kuko Knowless Butera benshi bibwiraga ko bazi bashobora kuzasanga uwo bibwiraga ko ari we atari we”.

Akomeza avuga ko kuva kera yifuza kubwira abakunzi ba muzika n’abakunzi be muri rusange uwo ari we, utandukanye n’umwe bagenda bavuga ngo yakoze iki n’iki, ikibi cyangwa icyiza.


Jay Polly yahinduye izina rya Album ye ya kabiri

Mu gihe byari bizwi ko umuzingo (album) wa Kabiri w’umuraperi Jay Polly uzasohoka witwa ‘Umwami Uganje’, yamaze kuwuhindurira izina witwa “Umurage”.

Umurage ni indirimbo nshyashya ya Jay Polly itaragera ku isoko, indirimbo yemeza ko yasanze ari yo ikwiye kwitirirwa umuzingo we wa kabiri kubera ubutumwa ifite.

Mu kiganiro na IGIHE yagize ati ”Umurage ni indirimbo nshyashya, ariko mbona ikwiye kwitirirwa album koko, ni umurage wacu nk’Abanyarwanda, dufite umurage kandi mwiza”.

Umuzingo ’umurage’ uzashyirwa ku mugaragaro mu gitaramo kizaba tariki ya mbere Ukuboza 2012.


Intore Tuyisenge agiye kumurika Imizingo ibiri

Tuyisenge Jean de Dieu bakunze kwita Intore, arimo kwitegura kumurika imizingo itatu mu mwaka wa 2013 harimo “Intore Izirusha intamwe" na "Unkumbuje u Rwanda” azamurika muri Gashyantare 2013.

Uyu muhanzi ukunze kuririmba indirimbo zishingiye kuri politiki za Leta zitandukanye, yamenyekanye cyane ku ndirimbo yise “Intore izirusha intambwe” n’izindi zitandukanye.

Ubusanzwe Tuyisenge ngo yagize igitekerezo cyo kumurika umuzingo w’indirimbo ze, ariko ntabishyiremo ingufu cyane ariko nyuma y’aho aririmbiye mu gitaramo cy’Agaciro, kimwe mu bitaramo biherutse byari byateguwe n’abahanzi ari na bwo yari aririmbye mu gitaramo cy’urubyiruko kandi kitateguwe bijyanye n’iminsi cyangwa gahunda za Leta, yaje kubona ko afite abafana benshi bityo afata gahunda yo gushyira ingufu muri gahunda zo kumurika imizingo ye uko ari itatu.

Tuyisenge yagize ati ”Nari nsanzwe menyereye kuba ndi muri sitade cyangwa mu turere hirya no hino mu birori bisanzwe byateguwe na Leta. Benshi bari bazi ko nkora indirimbo z’abasaza, ariko nsanze atari ko bimeze nk’uko bajya babivuga ariko nsanze indirimbo zanjye n’abajeni bazizi , biranshimishije cyane”.

Tuyisenge arateganya gutangira kujya aririmba imbonankubone (live), ndetse muri iki gitaramo cyo kumurika imizingo ye yombi ngo azaririmba imbonankubone.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza