kwamamaza
Tom Close yahurije imbaraga mu ndirimbo n’umuraperi wo mu Burundi

Tom Close yahurije imbaraga mu ndirimbo n’umuraperi wo mu Burundi


Yanditswe kuya 25-09-2019 - Saa 17:14' na Uwiduhaye Theos

‘Impa’ irimo ubutumwa bugaragaza umusore uba waratinye kuvugisha umukobwa yakunze, agasaba mugenzi we baziranye nimero yamuhamagaraho, bikaza kurangira abahuje bakajya gusura uwo mukobwa mu rugo iwabo.

Tom close yabwiye IGIHE ko umushinga w’iyi ndirimbo wari umaze umwaka ukorwaho, kuko bagiye bahura n’ikibazo cyo kudahuza umwanya.

Ati “B-Face dusanzwe tuziranye kuko maze kujya mu Burundi inshuro nyinshi na we yaje mu Rwanda kenshi, gusa dupanga gukorana iyi ndirimbo hashize iminsi. Twabisabwe n’umunyamakuru wo mu Burundi witwa Ismael, yari inshuti yacu.”

“Icyagoranye rero tumaze kwemeza gukorana indirimbo ni uguhuza igihe kuko B-Face aba mu Burundi njye nkaba mu Rwanda, ni umushinga navuga ko utamaze igihe gito, umaze umwaka.”

Tom Close avuga ko B-Face yari afite igitekerezo cy’indirimbo na we abibonye arabyishimira, buri wese yandika ibye barahuza indirimbo ikorwa ityo.

Tom Close avuga ko afitiye uruhisho abakunzi be bifuza kongera kumubona mu ndirimbo zitandukanye, cyane ko afite izo azasohora mbere y’uko umwaka urangira.

Amajwi y’iyi ndirimbo yakozwe na Knox naho amashusho afatwa na Ma Riva.

IBITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!