kwamamaza
 ’Niyibizi’, indirimbo nshya ya Bushali yasohotse ari muri gereza

’Niyibizi’, indirimbo nshya ya Bushali yasohotse ari muri gereza


Yanditswe kuya 10-11-2019 - Saa 11:00' na Nsengiyumva Emmy

Bushali ni umwe mu baraperi bitwaraga neza muri iki gihe. Yatangiye umuziki mu mpera za 2013. Aherutse kumurika album ya kabiri yise ‘Ku gasima’ yakurikiye iyagiye hanze muri Gashyantare mu 2018 yise ‘Nyiramubande’.

Izina rya Bushali The Trigger riherutse kuzamurwa cyane n’indirimbo yise ‘Nituebue’ yahuriyemo na B-Threy n’uwitwa Slum Drip.

Tariki 17 Ukwakira 2019 uyu musore yatawe muri yombi ari kumwe na mugenzi we Slum Drip kimwe n’abakobwa babiri, bakurikiranyweho kunywa urumogi.

Nyuma yo kuburana ifungwa n’ifungurwa hakarekurwa umwe mu bakobwa babafatanye, Bushali na Slum Drip bamanuwe i Mageragere nyuma y’uko urukiko rwategetse ko bafungwa by’agateganyo mbere yuko baburana mu mizi.

Bushali utaramara igihe muri gereza, ikigo kireberera inyungu ze mu muziki ‘Green Ferry’ cyashyize hanze indirimbo uyu muraperi yise “Niyibizi” iri kuri album ya kabiri.

Ubuyobozi bwa Green Ferry, bwabwiye IGIHE ko hari indirimbo nyinshi uyu muhanzi yakoze mbere yo gufungwa, bwizeza abakunzi b’umuziki we kutazicwa n’irungu.

Buti "Yari yarakoze indirimbo nyinshi, nibaza ko abakunzi be batazigera bicwa n’irungu. Nibyo ibibazo byarabaye ariko nta kintu na kimwe cyaduhagarika. ‘Niyibizi’ ni indirimbo ubona ko n’abantu bakiriye neza cyane.”

Iyi ndirimbo yasohokanye n’amashusho yayo yakozwe mu buryo bw’amajwi na Dany Beats mu gihe amashusho yayo yo yakozwe na Sinta X Samy.

Bushali benshi bita Bushido afungiye i Mageragere
IBITEKEREZO
mwatubwira izo ndirimbo zindi zitarasohoka zizasohoka mugihe kingana gute?
Musubize11.11.2019 saa 15:07
nshuti caleb
Umuhanzi wacu wakomeze yigaragaze
Musubize11.11.2019 saa 03:34
Tuyisenge emmanuel

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!