Ibintu 6 bituma abahungu b’abahanzi bakurura abagore

Ibintu 6 bituma abahungu b’abahanzi bakurura abagore


Yanditswe kuya 23-08-2012 - Saa 07:07' na Emma-Marie Umurerwa

Hari abagabo bakundwa n’igitsina gore kurusha abandi, bitewe ahanini n’umwuga wabo. Muri abo twavugamo abahanzi, abakinnyi b’umupira hamwe n’abavugabutumwa b’ibyamamare.

Ibi ngo bikaba biterwa n’uko bamwe mu bagore bakunda abagabo b’ibyamamare, kubera gushaka kugira ishema mu bandi ndetse no gushaka kumenyekaniraho. Twifashishije urubuga slate.fr, hari byinshi twashoboye kugeraho.

Dore bimwe mu by’ingenzi :

1. Imiterere yabo

Kuba aba bahungu bakoresha uko bashoboye ngo bagaragare neza imbere y’abakunzi babo ni na ko batwara umubiri wose, ku buryo butuma bakurura ababareba. Mu myitwarire ye n’imigendere usanga agaragaza ko ntacyo yikanga, ntacyo yishisha, yifitemo icyizere gihagije. Ibi bimufasha no kwegera byoroshye abakunzi, kandi benshi muri bo baba ari abagore.

2. Batekerezwa ko ari abantu bafite ubushobozi bwo guhora bashaka udushya

Uko umuririmbyi ahora asohora indirimbo zitandukanye ni ko atekereza ko azi guhanga udushya, ibi rero abakobwa barabikunda kuko batekereza ko no mu rukundo ari ko bamera.

3. Batekerezwa ko ubuhanzi bwabo bubafungurira ubwonko

Burya umukobwa n’iyo yaba ari injiji ahora yifuza umuhungu ujijutse. Bityo abakobwa batekereza ko uko abahungu baririmba indirimbo zirimo ubwenge, uko batsinda ibitego mu kibuga, ari na ko bagira ubwenge mu buzima busanzwe bityo abakobwa bagatekereza ko hamwe n’abo bahungu ubuzima bwaba bwiza kurushaho. Ndetse banaryoshya urukundo rwabo.

4. Boroshya ubuzima kandi bakunda kwishimisha

Aha by’umwihariko ni ku bakobwa bakunda kwinezeza mu buzima nk’abakunda gusohoka, kujya kubyina, gutembera, n’ibindi.

5. Baba bazwi cyane

Burya abakobwa bamwe na bamwe bakunda kumenyekana, ni yo mpamvu kuba abahungu baba bazwi kubera impano yabo, hari abakobwa bumva ko hamwe na bo, byababera uburyo bwo kumenyekana. Hari umukobwa uba wumva ko kuba yatambuka, abo bahuye bose bagahindukira bamureba babwirana ngo dore inshuti y’umuhungu runaka uzwi ryaba ari ishema kuri we.

6. Batekereza ko ibyabakomokaho byose byaba ari byiza kurushaho

Mu mateka y’ibinyejana byashize, kuba umuntu yari azi kuririmba no kubyina byari ikimenyetso cy’umutima mwiza, ubuzima buzira umuze n’ubwonko bwagutse.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO