Umuhanzi Mico The Best ari mu rukundo n’Umunyamerikakazi

Yanditswe na Uwiduhaye Theos
Kuya 4 Ukwakira 2018 saa 09:50
Yasuwe :
0 0

Umuhanzi mu Mico The Best ukora injyana ya Afrobeat, ari mu rukundo n’umukobwa wo muri Leta Zunze Ubumwe za Amerika, witwa Acacia.

Mico The Best ni umwe mu bahanzi bakomeye mu Rwanda, yamenyekanye cyane mu ndirimbo nyinshi zirimo ‘Arabyemeye’, ‘Yamaze’, ‘Arashotorana’, ‘Indahiro’, ‘Umugati’, ‘ Circle’ aheruka gushyira hanze n’izindi.

Uyu muhanzi yahamirije IGIHE ko nta gushidikanya ari mu rukundo rw’igifute n’umukobwa w’Umunyamerikakazi.

Ati”Mfite umukobwa dukundana w’Umunyamerikakazi witwa Acacia, tumaranye igihe kitari gito. Mbitangaje ubu kubera ko aribwo numva mu mutima wanjye nabishyira hanze. Ni Umunyamerika wuzuye ndetse ni naho aba.”

Mico The Best yemeza ko kuba uyu mukobwa atari hafi ye mu Rwanda ntacyo bitwaye kuko amuhorana mu ntekerezo ze umunsi ku wundi.

Ati”Ibyacu bifite umuzi ntabwo navuga ko dukundana amba kure. Ntabwo nigeze ngaragaza umukunzi wanjye kuva kera kubera ko numvaga ntarapanga ikintu kizima ariko uriya nshobora kumwita umukunzi wanjye.”

Yanze kuvuga uko bahuye ndetse n’uko yaba ajya aza mu Rwanda kumusura, yemeza ko mu minsi ir’imbere azagenda amuvugaho byinshi.

Ntabwo Mico yigeze avugwa cyane mu nkuru z’urukundo, gusa mu ntangiriro za Mata 2016 hatangiye gusakara amakuru yavugaga ko ‘hagati ye na Phiona urukundo rwashinze imizi’ ndetse by’umwihariko nyuma y’aho Mico yagiye yerekana ko yiyumvamo uyu mukobwa abicishije ku mbuga nkoranyambaga.

Mico The Best na Phiona bagiye babihakana kenshi ndetse iyo itangazamakuru ryababazaga bombi bavugaga ko nta kanunu k’urukundo gusa bakemeza ko ‘ari inshuti zisanzwe’.

Umunyamerikakazi uri mu rukundo na Mico The Best
Ubusanzwe Mico ntakunda kwerekana umukobwa bakundana
Phiona na Mico bigeze gushyushya abantu imitwe bavuga ko bakundana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza