Uko abakobwa b’i Kigali batigishije umubyimba mu gitaramo cya Sauti Sol (Video)

Yanditswe na Dusabimana Aimable
Kuya 2 Mutarama 2018 saa 08:34
Yasuwe :
4 0

Itsinda rya Sauti Sol ryamamaye mu bakorera umuziki muri Kenya ryakoze igitaramo gikomeye i Kigali ryishimirwa bidasanzwe n’Abanyarwanda mu birori byo gutangira umwaka mushya wa 2018.

Iki gitaramo cyiswe "New Year Countdown" cyabereye kuri Kigali Convention Center mu ijoro ry’Ubunani kugeza mu rukerera. Cyasusurukijwe n’abahanzi barimo Yemi Alade waturutse muri Nigeria, Sauti Sol yo muri Kenya n’abo mu Rwanda barimo Bruce Melodie.

Itsinda rya Sauti Sol ryishimiwe bidasanzwe n’abitabiriye ibyo birori, ryamaze amasaha abiri riririmba nta gufata ikiruhuko nubwo hagwaga imvura y’urujojo ijoro ryose.

Sauti Sol yaririmbye indirimbo zirimo "Sura Yako", "Love Again", "Friendzone", "Live & Die in Africa", "Unconditional Bae", "Mbozi za Malwa", "Isabella", "Nerea" n’izindi. Bageze ku ndirimbo yabo igezweho bakoranye na Patoranking yitwa "Melanin" bayibyinanye n’abakobwa b’i Kigali babarata ubwiza.

Mbere y’uko baririmba iyo ndirimbo n’izindi zirimo "Nishike" na "Shake yo Bam Bam", Bien-Aime yavuze ko bageze ku musozo w’igitaramo abafana bahita biyamira bamukomera. Yahise agira ati "Nikiniraga [...] Ahubwo ndumva ubushyuhe ndashaka no kwikura ariko ikibazo ni iyi mvura."

Yongeye ati "Murabizi ariko? U Rwanda rufite n’undi mwihariko. Nta hantu nabonye abakobwa beza nka hano. Uyu ni wo murwa mukuru wa ’Melanin’ ku isi. Umukobwa wese wiyumvamo kuba ari mwiza nahanike ijwi rye turirimbane."

Batumiye abakobwa b’i Kigali mu ndirimbo yabo "Shake yo Bam Bam" barayibyina biratinda. Abarenga 15 buriye urubyiniro barushanwa gukaraga umubyimba bafatanyije n’aba bahanzi, kimwe mu byongereye ubushyuhe mu bafana muri iki gitaramo.

Sauti Sol yifurije umwaka mushya abitabiriye iki gitaramo ishimangira ko uzaba umwaka mwiza ku bacyitabiriye ndetse n’abandi Banyarwanda muri rusange. Yasabiye amahoro ibihugu bya Afurika no kuzarangwa n’iterambere cyane cyane ibyo mu Karere.

Aba bakobwa babyinanye n'abahanzi bagize Sauti Sol
Abakobwa b'i Kigali barenga 15 buriye urubyiniro
Sauti Sol yaririmbye imvura igwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza