Kamichi yasohoye indirimbo "Ni Forever" yahimbiye umugore we

Yanditswe na Muvunyi Arsène
Kuya 6 Nyakanga 2019 saa 09:42
Yasuwe :
0 0

Bagabo Adolphe wamamye mu muziki nka Kamichi yashyize hanze indirimbo yise “Ni Forever” avuga ko yakomoye ku rukundo rwe n’umugore we.

“Ni Forever” ni indirimbo igizwe amagambo aryohereye umusore yabwira umukunzi we, amusezeranya kumubera indahemuka mu ubuziraherezo.

Iyi ni ndirimbo ya kabiri Kamichi ashyize hanze kuva yajya gutura muri Let Zunze Ubumwe za Amerika nyuma ya “My Karabo” yakunzwe cyane, zombie zikaba zarakorewe muri Momusic ya Lick Lick.

Mu kiganiro kigufi yagiranye na IGIHE, Kamichi yavuze ko iyi yayikoreye abari mu rukundo bose, by’umwihariko igitekerezo cyayo kikaba cyaravuye ku rukundo adamararanyemo n’umugore barushinze muri uyu mwaka.

Ati “ Akenshi nshingira indirimbo zanjye ku bintu byabayeho. Umubano wacu [n’umugore ] watumye mpimba, hari n’abandi benshi baba mu rukundo, ntibagire impano yo kubishyira mu magambo, iyi ndirimbo ni iyabo.”

Umwaka wari ushize Kamichi adashyira hanze indirimbo. Avuga ko byatewe n’impamvu nyinshi zikomeye yagiye agira muri uyu mwaka wa 2019 n’ubwo bitamubuzaga kujya muri studio.

Ati “Uyu mwaka nakoze akazi kenshi kandi gakomeye. Harimo kurushinga, kwibaruka, n’ibindi byinshi ntavuga mu itangazamakuru. Kandi no muri studio ya Lick harimo ibikorwa byinshi .Nakoze izindi ndirimbo nyinshi muri kino gihe nizera ko kuzisohora bizajya byihuta kurushaho.”

Yavuze ko mu gihe cya vuba araba ashyize hanze amashusho y’iyi ndirimbo nshya iri kuri album ye ya kane yise “Intangiriro Igice Cya Kabiri”. Iyo album izaba iriho indirimbo z’urukundo.

Iyi album izaba ije ikurikira iyitwa ‘Umugabirwa’ yamuritse mu 2011, ‘Ubumuntu’ yashyize hanze mu 2012 na ‘Mudakumirwa’ yamuritse mu 2013.

Umubano wa Kamichi n'umugore we niwo washibutsemo inganzo y'indirimbo 'Forever'
Mu ifatwa ry'amashusho y'iyi ndirimbo Kamichi yari kumwe n'umugore we
Kamichi yijeje abakunzi b'umuziki we kutazongera gutinda gusohora indirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza