00:00:00 IGIHE NETWORK KN KINYARWANDA EN ENGLISH FR FRANCAIS

Inzozi za Nillan YNB wifuza kuzana amaraso mashya muri muzika nyarwanda

Yanditswe na Uwiduhaye Theos
Kuya 22 Kanama 2021 saa 08:54
Yasuwe :
0 0

Utereye amaso ku mbuga nkoranyambaga mu Rwanda cyangwa ugakurikira radio na televiziyo ubona ko abahanzi bavuka umunsi ku wunsi kandi bafite impano zihariye.

Kimwe mu kigora ariko abahanzi bitwa abakizamuka ni ukubona amaboko abashyigikira impano yabo ikamenywa n’umuhisi n’umugenzi ku buryo itangira kubabyarira umusaruro.

Mu bahanzi bakeneye gushyigikirwa cyane muri iki gihe bafite impano kandi batanga icyizere mu muziki nyarwanda harimo umusore witwa Ntare Senga Moses ukoresha amazina ya Nillan YNB[Ya Ntare]. Uyu musore ubusanzwe anatunganya indirimbo cyane ko ize nyinshi ari we uzikorera mu buryo bw’amajwi.

Yabwiye IGIHE ko kuririmba ari impano yiyumvisemo mu 2018 ubwo yari amaze igihe akora indirimbo.

Ati “Natangiye ntunganya indirimbo. Mu 2018 numva ngomba kujya ndirimba ariko sinahita mbikora mu 2020 aba aribwo nshyira hanze indirimbo yanjye ya mbere.”

Yakomeje avuga ko intego afite ari ugukora cyane akageze umuziki we ndetse n’abanyarwanda bagaterwa ishema nawe.

Uyu musore w’imyaka 18 ari kwitegura gushyira hanze album ye ya mbere yise Cityboy, yakoranyeho n’abandi bahanzi barimo Kivumbi King , Nikita Heaven , Kenny K-Shot n’abandi. Izajya hanze mu Ugushyingo uyu mwaka.

Iyi album izaba iriho indirimbo umunani kuzamura, ikazaba isobanura uwo ari we. Ati “Ninjye izaba igaragaza. Izaba yereka abantu uwo ndiwe, n’icyo banyitegaho mu muziki. Icyo nabwira abantu ni uko nzabahata umuziki mwiza.”

Nillan YNB yashyize hanze indirimbo ye nshya yise ‘Yellow’ yakozwe mu buryo bw’amajwi na we mu gihe mix & mastering byakozwe na Bob pro naho amashusho yatunganyijwe n’umuvandimwe we Elysee Nkundimana akaba akoresha amazina ya Elysee Brand.

Elysee Brand yatangiye gutunganya amashusho afite 18 akorana n’ibigo bitandukanye by’itangazamakuru. Yakoranye na TV1 n’ibindi bigo. Amaze gukorana n’abahanzi barimo Davis D, Ish Kevin, Kivumbi King, Nilan n’abandi. Yasoje amashuri yisumbuye muri Glory Secondary School mu 2018 aho yize Computer Science.

Nillan YNB amaze gukora indirimbo zitandukanye zakunzwe n’abiganjemo abakibyiruka zirimo iyo yise ‘Size’, ‘Key’ na ‘My side’.

Nillan YNB arateganya gushyira hanze album ya mbere uyu mwaka
Nillan YNB, ni amaraso mashya mu ruhando rwa muzika
Elysee Brand avukana n'uyu musore ndetse ni nawe umukorera nyinshi mu mashusho y'indirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .