Inkuru mpamo y’umusore wabenzwe n’umukobwa akikata amaboko mu ndirimbo ya Khalfan

Yanditswe na Muvunyi Arsène
Kuya 24 Kamena 2019 saa 04:17
Yasuwe :
0 0

Umuraperi Khalfan yashyize hanze indirimbo yise “Ruravuna” ishingiye ku nkuru mpamo y’umusore wabenzwe n’umukobwa agashaka kwiyahura.

Iyi ndirimbo yasohokanye n’amashusho yayo, Khalfan yayikoranye na Uncle Austin.

Nk’uko izina ryayo ryumvikana “Ruravuna” ubutumwa buri muri iyi ndirimbo ni ukugaragaza uburyo urukundo rutesha umuntu umutwe.

Mu kiganiro Khalfan yagiranye na IGIHE, yavuze ko igitekerezo cyo gukora iyi ndirimbo yagihawe n’umunyamakuru wamusabye kuzakora ku nsanganyamatsiko igaragaza uko urukundo ruvuna.

Uyu musore wari usanzwe uzi mugenzi we wazengerejwe n’urukundo kugeza n’aho ashaka kwiyahura, yamusabye ko yabihimbaho indirimbo nawe aramwemerera.

Ati “Yakundanaga n’umukobwa, aza kubona undi mugabo ufite amafaranga unakuzemo, ahita amusaba ko babana, bahita banakora ubukwe. Mbere y’uko ubukwe buba uwo musore byakomeje kumurya yikata imitsi y’amaboko ariko bamugeraho kare atarapfa ubu aracyariho. ”

Hashize imyaka itatu uyu musore ashatse kwiyahura ndetse n’uyu mukobwa wamwanze yamaze no kwibaruka.

Ubwo iyi ndirimbo yari itarasohoka, Khalfan yayumvishije uyu mugore wari ugiye gutuma yiyahura, ngo imukora ku mutima.

Ati “ Numvishije umuhungu numvisha n’umukobwa, rimwe turahura ndongera ndamucokoza, nti ‘warutumye umuhungu w’abandi yiyahura’. Yarasetse hashize akanya ubona mu maso arahindutse ariko ntabwo yabikomeje cyane.”

Khalfan uherutse gutandukana n’umukobwa bakundanaga, yavuze ko kuririmba no gukina mu mashusho y’iyi ndirimbo byamworoheye cyane kuko nawe yanyuze mu bihe bikomeye mu rukundo.

Uyu musore udakunda kuvuga ku byerekeye icyo yapfuye n’umukunzi we, yavuze ko yakuyemo isomo ryo kutazongera gukundana birimo imikino.

Iyi ndirimbo ni imwe mu ziri kuri alubumu ya mbere ya Khalfan yise “Power” ateganya kuzashyira hanze n’ubwo avuga ko agifite inzitizi z’ubushobozi.

Reba amashusho ya "Ruravuna"

Mu kiganiro Khalfan yagiranye na IGIHE, yavuze ko igitekerezo cyo gukora iyi ndirimbo yagihawe n’umunyamakuru wamusabye kuzakora ku nsanganyamatsiko igaragaza uko urukundo ruvuna

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza