Ibyihariye ku ndirimbo ‘Migabo’ ya Cyusa Ibrahim isingiza ubutwari bwa Perezida Kagame

Yanditswe na Akayezu Jean de Dieu
Kuya 4 Nyakanga 2019 saa 02:32
Yasuwe :
0 0

Umuhanzi ukizamuka mu njyana gakondo, Cyusa Ibrahim yashyize hanze indirimbo ye nshya yise ‘Migabo’ isingiza ubutwari bwaranze Paul Kagame wayoboye urugamba rwo kubohora igihugu no ku cyubaka.

Ni indirimbo akoze mu gihe u Rwanda n’Abanyarwanda bari mu byishimo byo kwizihiza isakuburu y’imyaka 25 yo kwibohora hanazirikanwa ubutwari bw’ingabo za FPR Inkotanyi zabohoye igihugu ziyobowe na Paul Kagame.

Uyu muhanzi uva indimwe na Stromae kuri se, yabwiye IGIHE ko ibikorwa bya Perezida Kagame byivugira ari nayo mpamvu yatekereje gukora iyi ndirimbo amaze imyaka ibiri yandika.

Yagize ati “Buriya Perezida wacu kumuvugaho ntabwo bigoye kuko byonyine ibyo amaze kugeza ku u Rwanda birivugira, igihugu cyacu cyavuye hahandi amahanga yaturebaga nk’agahugu kari aho ariko kuri ubu nitwe bahanze amaso.”

Yakomeje avuga ko indirimbo ye ayikoze agamije gushimira Perezida Kagame wayoboye urugamba rwo kwibihora kandi akunga Abanyarwanda nyuma ya Jenoside yakorewe Abatutsi.

Ati “Imyaka 25, tuvuye muri ririya curaburindi abanyarwanda bakongera kubana neza, umugabo agashakana n’uwamwiciye, urwo rukundo rero ntacyo twarunganya. Aho niho nashatse kugira ngo mvuge nanamushimira.”

Uyu muhanzi akoze iyi ndirimbo nyuma y’izindi zitandukanye yakoze zirimo Rwanda Nkunda, Ndi Umunyarwanda, Mbwire nde, Umutako n’izindi zitandukanye.

Yasabye abanyarwanda gukunda umuco wabo, ubuyobozi bwabo n’ibihangano bye muri rusange.

Indirimbo Migabo yatunganyijwe mu buryo bw’amajwi na Bob Pro naho amashusho yayo yakozwe na Fayzo.

Cyusa uva indimwe na Stromae kuri se, yabwiye IGIHE ko ibikorwa bya Perezida Kagame byivugira ari nayo mpamvu yatekereje gukora iyi ndirimbo amaze imyaka ibiri yandika.
Cyusa yasabye abanyarwanda gukunda umuco wabo, ubuyobozi bwabo n’ibihangano bye muri rusange.

Amafoto na Video: Victor Kayiranga


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza