Dream Boys igiye gukorera igitaramo muri Ambassador’s Park

Yanditswe na Dusabimana Aimable
Kuya 14 Gicurasi 2018 saa 08:48
Yasuwe :
0 0

Dream Boys ihuriwemo n’abahanzi babiri Nemeye “Platini” na Mujyanama Claude “TMC” igiye gukora igitaramo kizabera muri Ambassador’s Park i Gikondo kizarangwa n’umwihariko wo gucurangira abitabiriye mu buryo bw’umwimerere.

Igitaramo cya Dream Boys muri Ambassador’s Park gitegerejwe ku wa Gatanu, tariki 18 Gicurasi 2018. Bagiye kuhataramira nyuma y’iyuburwa ry’ibitaramo byatangiriye ku cya King James ndetse n’icya Natty Dread cyakozwe ubwo hibukwaga Bob Marley mu mpera z’icyumweru gishize.

Umuyobozi wa Ambassador’s Park, Nzatunga Emmanuel, yabwiye IGIHE ko igitaramo cya Dream Boys cyashyizwemo undi mwihariko wo kuba kizanagaragazwamo abanyempano bashya mu muziki mu bacyitabira ndetse bategura n’indi gahunda yo kujya bahemba byihariye umuhanzi ugaragaza umwihariko.

Yagize ati “Iki gitaramo kizasusurutswa na Dream Boys gifite undi umwihariko, twakise Weekly Youth Talent gishyigikiwe na Amstel Lager! Nyuma y’amezi atandatu tuzajya duhemba uwabonye abantu benshi bamushyigikiye tumuhe agahimbazamusyi.”

Dream Boys igiye gutaramira muri Ambassador’s Park ni itsinda ryigaragaje cyane mu mwaka ushize mu ndirimbo zakunzwe zirimo ‘Bucece’; ‘Wagiye Kare’ na ‘Wenda Azaza’ ariko by’umwihariko begukanye igihembo gikuru muri Primus Guma Guma Superstar.

Abasanzwe basohokera muri Ambassador’s Park iherereye ahegeranye n’urusengero rw’Abamethodiste no ku bashya hari igabanuka ridasanzwe ku binyobwa by’umwihariko ku nzoga nshya ya Amstel Malt aho uguze imwe yongezwa ebyiri agashira inyota akanezerwa. Ibi byiyongeraho ko abahasohokeye bakoresha WIFI ibaha internet y’ubuntu.

Ambassador’s Park isigaye itaramirwamo cyane, ifite na serivise zindi zituma iganwa cyane zirimo Sauna & Massage, Bar & Restaurant, Night Club n’ibyumba by’amacumbi ku bashaka kuruhuka.

Itrsinda rya Dream Boys rihuriwemo na Nemeye Platini na Mujyanama Claude “TMC”

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza