00:00:00 IGIHE NETWORK KN KINYARWANDA EN ENGLISH FR FRANCAIS

Dj Dizzo yinjiranye amaraso mashya mu kuvanga imiziki mu Rwanda

Yanditswe na Uwiduhaye Theos
Kuya 15 Kanama 2021 saa 02:43
Yasuwe :
0 0

Umwuga wo kuvanga imiziki ni umwe mu itarahabwaga agaciro mu myaka yatambutse ariko ubu igezweho ndetse itunze benshi mu rubyiruko.

Ni umwuga utangiye kuganwa cyane mu myaka mike ishize. Hambere utubyiniro tugikora byo byari ibindi kuko abakora uyu mwuga wo kuvanga imiziki(DJs) babaga bari imbere mu basusurutsa abantu.

No mu bitaramo ni uko kuko nta kirori kitarimo umu-DJs cyabagaho. Nibo batumaga abamaze kwizihirwa bakaraga umubyimba kakahava kubera kuryoherwa n’umuziki.

DJ Dizzo ari mu bayobotse uyu mwuga ndetse avuga ko ariwo agomba gukora kugeza imvi zibaye uruyenzi kuko urimo amaramuko, kandi ugatuma uwukora ahora akanyamuneza iminsi yose kandi yizihiwe.

Uyu musore ubusanzwe witwa Mutambuka Derrick, aba mu Bwongereza. Yavuze ko yihebeye uyu mwuga kubera kuwukunda ndetse akaza gukabya inzozi zo kuwukora mu 2015.

Yawukundishijwe n’abandi ba-Djs benshi bamaze kubaka izina ndetse banakorana n’abahanzi batandukanye bakomeye ku isi barimo David Guetta.

Ati “Natangiye kuvanga imiziki mu 2015 gusa nyuma nza gufata akanya ko kuba nitekerezaho nshaka n’ukuntu nzabikora bitandukanye n’uko nakoraga mbere. Ubu nagarutse mu buryo bwuzuye umwaka ushize. Nshaka kwereka isi ko mfite impano. Guhera ndi umwana nakundaga umuziki gusa ntabwo naririmbaga.”

Dizzo yavuze ko intego ikomeye afite ari ugukora cyane kuko kumenyekanisha ibikorwa bye biri mu maboko ye, kandi yizeye ko azabigeraho n’afashwa n’Imana.

Ati “Hari ikintu cyanteye gutekereza ko nkeneye kugerageza kuba Dj gituma mbitangira. Nshaka kugera ku rwego bake gusa bashobora kugeraho. Icyo nibandaho ubu ni ugusohora mixtape nyinshi no kugeza izina ryanjye hanze y’u Rwanda.”

Uyu musore yishimira uburyo umwuga wo kuvanga imiziki umaze gutera imbere mu Rwanda, ndetse na we akaba yifuza ko abanyarwanda bazamuba hafi kuko ateganya ko mu minsi iri imbere ashobora no kuzajya aza mu Rwanda kubashimisha.

Ubu ashyize imbere gukorana n’abahanzi batandukanye akora mixtape nyinshi ziriho indirimbo zabo. Aheruka gushyira hanze iyo yakoze y’indirimbo za Ciney.

Ushaka kumva imiziki yavanzwe n’uyu musore wakanda hano

Dizzo afite intego zo kumenyekana ku isi yose abikesha kuvanga imiziki
Uyu musore ni umwe mu bashaka kumenyekanisha u Rwanda yifashishije kuvanga imiziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .