Diamond azabyare abana bose ashaka ariko sinzongera kumutwitira- Zari

Yanditswe na Dusabimana Aimable
Kuya 30 Mutarama 2018 saa 10:41
Yasuwe :
1 1

Zari Hassan umaze kubyara abana batanu barimo batatu ba nyakwigendera Ivan Ssemwanga na babiri ba Diamond Platnumz yemeje ko atazongera gutwita inda y’uyu muhanzi babana kuko afite ’ibindi bintu byinshi byo gukora’.

Uyu mugore uri mu banyamafaranga bazwi mu bikorwa by’imyidagaduro muri Afurika y’Iburasirazuba, yavuze ko atacyifuza gutwita indi nda ya Diamond. Yemeje ko atakibifitiye umwanya ashimangira ko umukunzi we nagira icyo cyifuzo bazashaka undi mugore wo kubatwitira.

Mu kiganiro yagiranye na Millard Ayo yagize ati “Narabirangije, mfite ibintu byinshi ngomba gukora. Nta mwanya mfite wo gutwara inda, nta gihe mfite. Mbonye uwamfasha gutwita umwana byaba ari byiza ariko njye ubwanjye sinabishobora.”

Yakomeje agira ati "[Diamond] yabyara abana bose ashaka kubyara. Icumi, makumyabiri, ibyo ni gahunda ze si izanjye, njye meze neza."

Zari yatangaje ibi nyuma y’amagambo Diamond aherutse kuvugira i Kigali, mu kiganiro yagiranye n’itangazamakuru ku mugoroba wo ku wa 19 Mutarama 2018 yashimangiye ko adateganya guhagarika kubyara uko abishaka. Yagize ati "Kugira abana benshi si icyaha kandi Imana yaravuze ngo mugende mubyare mwuzure Isi."

Diamond icyo gihe yanavuze ibyatunguye bamwe ashimangira ko Zari atari umugore we nk’uko benshi babivuga ahubwo ari umukunzi we.

Diamond na Zari baramutse bahisemo icyemezo umugore yifuza cyo kuzashaka undi mugore ubatwitira byaba byumvikanye cyane ku nshuro ya kabiri mu itangazamakuru nyuma y’umuryango wa Kim Kardashian na Kanye West bo muri Leta Zunze Ubumwe za Amerika babigenje gutyo bakibaruka umuhungu wabonye izuba mu minsi ishize.

Aba bombi bamaze kubyarana abana babiri ari bo Nillan Dangote na Latifah Dangote. Aba ku mugore biyongera kuri batatu yabyaranye na nyakwigendera Ssemwanga ari bo Pinto, Quincy n’uwitwa Didy. Diamond afite undi ku ruhande aherutse kubyarana n’umunyamideli wo muri Tanzania witwa Hamisa Mobeto.

Zari afite abandi bana batatu yabyaranye na nyakwigendera Ssemwanga
Zari na Diamond bamaze kubyarana kabiri
Uyu mugore ari mu banyamafaranga bazwi mu bikorwa by’imyidagaduro muri Afurika y’Iburasirazuba
Yavuze ko afite byinshi byo gukora atazongera gutwita inda ya Diamond
Diamond ubwo aheruka i Kigali yavuze ko akunda abana kandi adafite gahunda yo kurekera kubyara mu gihe cya vuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza