Cassandra yatangije intambara y’amagambo kuri Oda Paccy na Young Grace

Yanditswe na Muvunyi Arsène
Kuya 9 Kanama 2019 saa 03:26
Yasuwe :
0 0

Umuraperikazi Cassandra yibasiye bagenzi be barimo Odda Paccy na Young Grace yemeza ko ari we mukobwa wenyine ukora injyana ya Hip Hop usigaye mu Rwanda.

Cassandra ni umwe mu bahanzikazi bakora injyana ya Hip Hop bigaragaje mu mwaka wa 2018.

Yamenyekanye mu ndirimbo zitandukanye zirimo “Nturi My Type” yakoranye na Mukadaff, “She Is Mine” yakoranye na Alyn Sano, na “Shoferi” aheruka gushyira hanze.

Kuri ubu yakoze indi yise Free Style ifite igitero kimwe. Muri iyi ndirimbo uyu mukobwa aba yitaka agaragaza uburyo ari uyoboye abandi bose mu bakora Rap mu Rwanda.

Ageraho yibasira bamwe mu baraperi bafite amazina akomeye mu Rwanda nka Oda Paccy na Young Young Grace, yemeza ko umuziki wabananiye aho umwe yigiriye mu bucuruzi undi akaba yarahisemo kwibera umubyeyi.

Ati “ Mama Linca [oda Paccy] yibere muri byashara, OG [ Young Grace] ateruye ikibondo”.

Avugamo kandi Sandra Miraj uri mu nzira agaruka mu kibuga na Candy Moon Supplier wahoze akorana na P FLA.

Cassandra yabwiye IGIHE ko icyamuteye gukora iyi ndirimbo ari uko ari we wenyine usigaye mu kibuga cya Rap y’abari n’abategarugori.

Ati “Impamvu nuko mbona nta gukora kuri mu baraperi b’abakobwa. Buri umwe wese afite ibyo ahugiyemo kandi biba byiza na bagenzi bawe mukora injyana imwe bahari. Ikindi nuko ndambiwe ijambo ngo nafatiranye badahari kandi nkeneye ko bakanguka.”

Cassandra avuga ko ubwo yatangiraga umuziki aba baraperikazi bari bahari baza kugenda nyuma, agakeka ko ‘byaba ari ugutinya amaraso mashya’.

Kuba umuhanzi nk’uyu ukiri muto yakwibasira bagenzi be banamurusha imyaka n’ibigwi mu muziki, hari bamwe babikoresha nk’inzira yo gushaka kuvugwa, ariko Cassandra yemeza ko odda Paccy na Young Grace badakomeye ku buryo yabuririraho.

Ati “ Uwashaka kurya ‘hit’ yayishakira kuri Igisupusupu ubu niwe uyifite. Uko bazabyakira nzabibonera mu bikorwa byabo nimba bagaruka cyangwa baguma kureka nkikinana.”

Cassandra aririmbye ko abaraperikazi bo mu Rwanda basinziriye mu gihe n’ubundi iyi njyana muri rusange idahagaze neza muri iyi minsi.

Umva Free Style ya Cassandra

Cassandra yishongoye ku bandi bakobwa baririmba Rap
Cassandra yavuze ko Young Grace ahugiye mu nshingano z'ababyeyi
Cassandra yavuze ko Oda Paccy yabaye umucuruzi areka injyana Rap

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza