Bill Ruzima yakoze indirimbo yakomoye kuri Rujindiri

Yanditswe na Uwiduhaye Theos
Kuya 17 Kamena 2019 saa 04:38
Yasuwe :
0 0

Bill Ruzima uherutse gusoza amasomo ajyanye na muzika mu ishuri ry’umuziki ryo ku Nyundo, ubu ryimukiye i Muhanga, yashyize hanze indirimbo ye nshya yise ‘Imitoma’.

Uyu musore wari muri batatu bagize Itsinda rya Yemba Voice, riherutse gusenyuka, yatangiye umuziki ku giti cye mu ntangiriro z’umwaka wa 2019 ndetse ahita anashyira hanze indirimbo ye, mu gihe bagenzi be bahoranye bameze nk’abaheze mu cyeragati.

Yemba Voice yahozemo ni itsinda ry’abaririmbyi ryari ryaratangiye mu 2016. Abasore batatu bari barigize bose baherutse gusoza amasomo yerekeye umuziki mu Ishuri ry’Umuziki ku Nyundo.

Abo ni Bill Ruzima, Mugabutsinze Moïse na Rusanganwa Norbert. Yemba Voice yatangiye bigezo ubwo Sauti Sol yazaga kumurika album “Live and Die in Africa” mu Rwanda, aba basore bahabwa amahirwe yo gusubiramo indirimbo yitwa ‘Shake Yo Bam Bam’.

Bill Ruzima we ararimbanyije mu muziki we dore ko kuva yatandukana na bagenzi be yahise atangira gukorana imbaraga agashyira hanze ibihangano.

Ubu yashyize hanze indirimbo nshya yise ‘Imitoma’ yakomoye ku nganzo ya Rujindiri wamamaye mu muziki wo hambere.

Yagize ati “Imitoma ni ijambo risobanura ibisingizo by’urukundo, ni inganzo navomye ku ndirimbo yo hambere, yacuranzwe n’umukirigitananga uzwi cyane nka Rujindiri. Iyi ndirimbo yumvikanaga cyane kuri radio mu myaka yashize, ku bw’urukundo rw’iyi njyana itagira uko isa twihariye mu Rwanda, nabashije kuyikora mu buryo bwanjye bwihariye bushya.”

Iyi ni indirimbo ya kabiri ya Bill Ruzima nyuma yo kuva mu itsinda rya Yemba Voice, yaherukaga gukora iyo yise ‘Imana y’abakundana’.

Umva indirimbo nshya ya Bill Ruzima

Bill Ruzima ni umwe mu bahanzi babikora by'umwuga nyuma yo gusoza amasomo mu Ishuri ry'Umuziki rya Nyundo
Umuhanzi uzamukanye ingoga Bill Ruzima yakoze indirimbo yakomoye kuri Rujindiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza