Amarangamutima ya Meddy kuri Kigali Arena ushobora kuba mu ba mbere bayitaramiyemo

Yanditswe na Uwiduhaye Theos
Kuya 24 Kanama 2019 saa 05:22
Yasuwe :
0 0

Ngabo Medard Jobert uzwi nka Meddy yashimishijwe n’inyubako ya Kigali Arena ashobora kuba mu bahanzi ba mbere mu Rwanda bazayitaramiramo.

Uyu muhanzi uri mu Rwanda yasuye iyi nyubako kuri uyu wa Gatandatu, avayo ayivuga imyato nk’uko Mushyoma Joseph[Boubou] ukuriye East African Promoters yazanye uyu muhanzi yabibwiye IGIHE.

Ati “Yanezerewe cyane, yishimiye ko tubonye inzu y’imyidagaduro nk’iyi. Ikindi yishimiye ni uko ari we muhanzi wo mu Rwanda ugiye kuyikoreramo igitaramo bwa mbere. Yavuze ko iyi nzu ije yari ikenewe.”

Meddy ategerejwe mu gitaramo cyizakurikira umuhango wo Kwita Izina abana 25 b’ingagi kikaba kuwa 7 Nzeri uyu mwaka. Ni igitaramo azahuriramo n’umuhanzi w’icyamamare mu njyana ya R&B, Ne-Yo .

Ikigo cy’Igihugu gishinzwe Iterambere (RDB) cyatangaje ko igitaramo gishobora kubera muri Kigali Arena cyangwa muri Kigali Convention Centre.

Boubou yavuze ko hari ibindi bikorwa bitandukanye Meddy azakora ariko igikuru kikaba ari igitaramo azahuriramo na Ne-Yo .

Kwinjira mu musangiro uzaba tariki 7 Nzeri no mu gitaramo ku meza y’abantu 10 ni ukwishyura $1200 arenga gato miliyoni imwe y’amafaranga y’u Rwanda, hari itike y’abantu babiri bashobora kwishyura ibihumbu 230 by’amafaranga y’u Rwanda cyangwa se ibihumbi 130 ku muntu umwe.

Kwinjira mu gitaramo gusa mu myanya y’icyubahiro ni amafaranga ibihumbi 50 Frw, ibihumbi 25 Frw mu myanya y’icyubahiro, n’ibihumbi 15 Frw mu myanya isanzwe.

Kigali Arena ni inyubako ya mbere nini y’imikino mu Karere ka Afurika y’Iburasirazuba ndetse iri mu icumi za mbere muri Afurika yose.

Ifite uburebure bwa metero 18,6 uvuye ku gisenge. Izajya yakira imikino ya Basketball, Volleyball, Tennis na Football ikinirwa mu nzu. Ishobora kwakira ibitaramo, inama mpuzamahanga, ibiterane n’ibindi bikorwa bitandukanye.

Yatashywe ku mugaragaro na Perezida Paul Kagame tariki 09 Kanama 2019.

Meddy ategerejwe mu gitaramo gikomeye azahuriramo na NE-YO
Meddy yishimiye cyane Kigali Arena igiye kujya yakira imikino itandukanye n'ibitaramo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza