Abanyarwanda babiri bageze muri ½ cy’irushanwa ’’Belgium’s Got Talent 2012’’

Yanditswe na Dean Irak
Kuya 2 Ugushyingo 2012 saa 03:26
Yasuwe :
0 0

Itsinda ry’abahanzi nyarwanda Régis na Florent ryitwa H2H bivuga “From Hell to Heaven-kuva mu Kuzimu ugana mu Ijuru,” ryageze muri kimwe cya kabiri cy’amarushanwa yitwa Belgium’s Got Talent ya Televiziyo yo mu Bubiligi yitwa RTL-TVI.
Aya marushanwa yabaye mu mpera z’Ukwakira 2012.
Amakuru dukesha urubuga Jambo News avuga ko aba basore b’abanyeshuri bagiye bakunda kugaragaza impano yabo kuva bahura mu rusengero i Bruxelle aho baririmbaga, bazagusanga bafatanyije bombi hari icyo bageraho.
Umwe (...)

Itsinda ry’abahanzi nyarwanda Régis na Florent ryitwa H2H bivuga “From Hell to Heaven-kuva mu Kuzimu ugana mu Ijuru,” ryageze muri kimwe cya kabiri cy’amarushanwa yitwa Belgium’s Got Talent ya Televiziyo yo mu Bubiligi yitwa RTL-TVI.

Aya marushanwa yabaye mu mpera z’Ukwakira 2012.

Amakuru dukesha urubuga Jambo News avuga ko aba basore b’abanyeshuri bagiye bakunda kugaragaza impano yabo kuva bahura mu rusengero i Bruxelle aho baririmbaga, bazagusanga bafatanyije bombi hari icyo bageraho.

Umwe aterwa inganzo na Michael Jackson, undi akayiterwa na Bob Marley.

Régis arahimba akanaririmba, acuranga na piano mu gihe mugenzi we Florent we acuranga gitare akanaririmba mu ijwi rye ryiza kandi ritangaje, nk’uko binumvikana mu mashusho yafashwe baririmba.

Ubwo aba basore baririmbaga muri aya marushanwa, ku wa 28 Ukwakira 2012, akanama nkemurampaka kerekanye ko Régis na Florent ari abahanga bihereye mu ndirimbo yabo “waiting” bahimbiye aya marushanwa.

Abasore babiri Régis na Florent bagize itsinda H2H

Byari biteganijwe ko abo bahanzi ku wa 29 Ukwakira bongera bakagaragara muri marushwa guhera i saa mbiri n’iminota 20 z’umugoroba ku isaha yo mu Bubiligi baca LIVE kuri RTL-TVI, abafana bakaba ari bo batoranya.

Umuhanzi umwe muri 33 bari mu irushanwa niwe byari biteganijwe ko ajya ku cyiciro cya nyuma gisoza (final). Bisobanura ko Régis na Florent bari bakeneye amajwi y’abakurikirana iki kiganiro ngo babashe guhindura indoto zabo ukuri.

IGIHE ntiturabasha kumenya uko byagenze, gusa tuzabakurikiranira tubagezeho uko amarushanwa yaje gusozwa.

Reba amashusho y’indirimbo Régis na Florent baririmbye muri aya marushanwa:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza